ကက်ရှ်မီးယားတွင် ဒုက္ခသည်ဘင်္ဂါလီများအတွက် အိန္ဒိယက ထိန်းသိမ်းရေးစခန်း ဖွင့်လှစ်၊ ပြည်နှင်ဒဏ်ပေးရန် တစ်ပြည်လုံးတွင် ဘင်္ဂါလီ စုစုပေါင်း ၄၀,၀၀၀ ခန့်ဖြစ်၊ လွန်ခဲ့သည့်နှစ်များ၌ ထပ်မံခိုလှုံသူ ၅,၀၀၀ ခန့်ရှိ။ အိန္ဒိယက ခိုးဝင်များအဖြစ် သတ်မှတ်၍ ၂၀၁၈-၁၉ တွင် မြန်မာသို့ ၁၂-ဦး ပြန်ပို့ခဲ့


အိန္ဒိယအာဏာပိုင်များသည် ၎င်းတို့ထိန်းချုပ်ထားသော ကက်ရှ်မီးယားရှိ ထိန်းသိမ်းရေးစခန်းသို့ ဒုက္ခသည်ဘင်္ဂါလီ (မူရင်း ရိုဟင်ဂျာဟုဖော်ပြ) အနည်းဆုံး ၁၆၈ ယောက်ကို ပို့ဆောင်လိုက်ပြီဖြစ်ရာ ဒေသတွင်း၌ ခိုလှုံလျှက်ရှိသည့် ဒုက္ခသည်ထောင်ပေါင်းများစွာတို့အား ပြည်နှင်ဒဏ်ပေးရေးအစီအစဉ်အရဖြစ်ကြောင်း တနင်္ဂနွေနေ့တွင် ရဲတပ်ဖွဲ့က ပြောဆိုသည်ဟု Dhaka Tribune က ယနေ့ ရေးသားသည်။..     
ဂျမူးမြို့တော်တောင်ဘက်ရှိ ဒုက္ခသည်ဘင်္ဂါလီများအား ခွဲခြားသတ်မှတ်ရန်အတွက် ဒေသန္တရပြည်ထဲရေးဋ္ဌာန၏ ညွှန်ကြားချက်အရ စနေနေ့တွင် စတင်ပို့ဆောင်ခြင်းဖြစ်ကြောင်း၊ လွန်ခဲ့သည့်နှစ်များအတွင်းဒုက္ခသည်အဖြစ် ခိုလှုံသူ ဘင်္ဂါလီ ၅,၀၀၀ ခန့်ရှိကြောင်း၊ ၎င်းတို့အားလုံးမှာ အဆိုပါနေရာတွင် တရားမဝင်နေထိုင်နေလျှက်ရှိ ကြောင်း၊ အစီအစဉ်ပြီးဆုံးသည့်အခါ ၎င်းတို့နေထိုင်ရာတိုင်းပြည်သို့ နှင်ထုတ်မည်မည်ဖြစ်ကြောင်း ရဲမှူး မူကတ်ဆင်းက ရှင်းပြသည်။..  
အရေအတွက် ၁-သန်းကျော်သော ဒုက္ခသည်ဘင်္ဂါလီတို့သည် ၎င်းတို့၏ဇာတိ မြန်မာနိုင်ငံတွင် အကြမ်းဖက်ရက်စက်မှုများကြောင့် ထွက်ပြေးတိမ်းရှောင်ခဲ့ကြပြီး၊ လက်ရှိတွင် ဘင်္ဂလားဒေ့ရ်ှနိုင်ငံရှိ လူအများ ပြွတ်သိပ်လျှက်ရှိသော ဒုက္ခသည်စခန်းများ၌ နေထိုင်နေလျှက်ရှိကြသည်။..  
စနေနေ့မှစတင်၍ အိန္ဒိယအရာရှိများသည် ရာနှင့်ချီသော ဒုက္ခသည်ဘင်္ဂါလီတို့အား ဂျမူးအားကစားကွင်းသို့ ခေါ်ဆောင်လာပြီး အသေးစိတ်ကိုယ်ရေးအချက်အလက်များရယူခြင်း၊ ဘိုင်အိုမက်ထရစ်မှတ်တမ်းတင်ခြင်းနှင့် ကိုရိုနာဗိုင်းရပ်စ်ရောဂါ စမ်းသပ်ခြင်းများ ပြုလုပ်ခဲ့ကြသည်။ မြို့ပြင်ဆင်ခြေဖုံးရှိ အကျဉ်းထောင်တစ်ခုကို ထိန်းသိမ်းရေးစင်တာအဖြစ် ပြောင်းလဲခဲ့ပြီး ဒုက္ခသညဘင်္ဂါလီ အနည်းဆုံး ၁၆၈ ဦးကို ပို့ဆောင်ပေးခဲ့သည်ဆို၏။..   
မြို့တော်တွင် ယခင်က ရန်လိုမှုများနှင့် ရင်ဆိုင်ခဲ့ရသော ဒုက္ခသည်များအနေဖြင့် ယခုတဖန် မည်ကဲ့သို့ ကြုံတွေ့နေရကြောင်း မသိရှိရပေ၊ အိန္ဒိထိန်းချုပ်ထားသည့် ကက်ရှ်မီးယားမှာ မွတ်စလင်အများစု ဧရိယာဖြစ်သော်လည်း ဂျမူး၌ ဟိန္ဒူ အများစု နေထိုင်သည်။..   
ခတီဂျာဟူသော အမည်တစ်ခုတည်းကို အသုံးပြုသည့် ဒုက္ခသည်ဘင်္ဂါလီအမျိုးသမီးကမူ သူ၏သားကို အိန္ဒိယအာဏာပိုင်များက စနေနေ့တွင် ခေါ်ဆောင်သွားခဲ့ကြောင်း၊ မည်သည့်နေရာ၌ ထိန်းသိမ်းထားသည်ကို မသိရှိရကြောင်း၊ ချွေးမဖြစ်သူမှာလည်း တနင်္ဂနွေနေ့နံနက်တွင် ကလေးမီးဖွားခဲ့ကြောင်း ပြောဆိုသည်။..   
အိန္ဒိယဒေသအချို့တွင် ခိုလှုံနေထိုင်သူ ဒုက္ခသည် ဘင်္ဂါလီ ၄၀,၀၀၀ ခန့် ရှိသော်လည်း ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး၌ ဒုက္ခသည်အဖြစ် မှတ်ပုံတင်ထားသူ ၁၅,၀၀၀ ပင် မရှိချေ။..   
၎င်းတို့အများစုမှာ အိန္ဒိယနိုင်ငံတောင်ပိုင်းရှိ #ဟိုက်ဒရာဘတ်ပြည်နယ်၊ #မြောက်ဘက်_အူတာပရာဒက်ရှ်ပြည်နယ် နှင့် နယူးဒေလီအပါအဝင် မွတ်စ်လင် အများအပြားနေထိုင်သည့် ဧရိယာများ၌ အခြေချကြသည်။ အချို့မှာလည်း အိန္ဒိယ အရှေ့မြောက်ဘက်ရှိ ဘင်္ဂလားဒေ့ရှ်နှင့် မြန်မာနယ်စပ်၌ လှုံနေထိုင်ကြသည်။..  
နာရင်ဒြာမိုဒီအစိုးရကမူ ဒုက္ခသည်ဘင်္ဂါလီတို့အကြားတွင် အိန္ဒိယနိုင်ငံလုံခြုံရေးကို ခြိမ်းခြောက်လျှက်ရှိသည့် #အစွန်းရောက်ဝါဒီများ ပါဝင်နေသည်ကို သက်သေအထောက်အထားများ ရရှိထားကြောင်း၊ ဒုက္ခသည်ဘင်္ဂါလီတို့အား နှင်ထုတ်ပစ်ရမည့် ခိုးဝင်များအဖြစ် သတ်မှတ် ပြောဆိုသည်။..     
၂၀၁၈ နှင့် ၂၀၁၉ ခုနှစ်တွင် အိန္ဒိယအာဏာပိုင်များက ဒုက္ခသည်ဘင်္ဂါလီ အနည်းဆုံး ၁၂ ဦးကို ၂-သုတ်ခွဲ၍ မြန်မာနိုင်ငံသို့ ပြန်ပို့ခဲ့သည်။ လူ့အခွင့်အရေးအဖွဲ့များကမူ အိန္ဒိယအစိုးရအနေဖြင့် ဒုက္ခသည်ဘင်္ဂါလီတို့အား နှင်ထုတ်မည့်အစီအစဉ်ကို စွန့်လွှတ်၍ ၎င်းတို့၏ ခိုလှုံခွင့် တောင်းဆိုမှုကို အကဲဖြတ်ရန် စိစစ်ရန် တောင်းဆို သည်။

((ယခုသတင်းပါ ၂၀၁၈-၁၉ တွင် အိန္ဒိယက မြန်မာသို့ ပြန်ပို့သူ ဒုက္ခသည်ဘင်္ဂါလီ ၁၂-ဦးဟု တွေ့ရပါသည်။ ခိုင်လုံအသေးစိတ်သတင်းများအရ ၂၀၁၈-ခုနှစ် အောက်တိုဘာ ၄-ရက်နေ့တွင် ဒုက္ခသည် ဘင်္ဂါလီ ၇-ဦး၊ ၂၀၁၉-ခုနှစ် ဇန်နဝါရီ ၃-ရက်နေ့တွင် ၃-ဦး တို့ဖြစ်ပြီး အိန္ဒိယနိုင်ငံ မိုရေးမြို့အနီး နှစ်နိုင်ငံနယ်စပ်၌ လွှဲပြောင်းပေးခြင်းဖြစ်သည်။..  
လူ့အခွင့်အရေးအဖွဲ့တို့ကမူ အဆိုပါ ဒုက္ခသည်ဘင်္ဂါလီများမှာ အိန္ဒိယ-ဘင်္ဂလားဒေ့ရှ်နယ်စပ် အိန္ဒိယဘက်ခြမ်း၌ ပိတ်မိနေသူ ၃၁-ဦး အနက်မှ ဖြစ်ကြောင်း၊ အိန္ဒိယက အသက်အန္တရာယ်ပြုမည်ဟု ခြိမ်းခြောက်ပြီး အတင်းအဓမ္မ နှင်ထုတ်ခြင်းဖြစ်၍ နိုင်ငံတကာ တရားဥပဒေအား ချိုးဖောက်ရာရောက်သည်ဟု စွပ်စွဲပါသည်။..  
မြန်မာဘက်က မည်သို့မျှ မှတ်ချက်မပေးကြောင်း သတင်းများတွင် ဖော်ပြသည်။ သို့သော် မြန်မာဘာသာပြည်တွင်းသတင်းများအရ အဆိုပါဒုက္ခသည်များမှာ မြန်မာနိုင်ငံတွင် နေထိုင်ခဲ့ဖူးကြောင်း အထောက်အထားရှိပြီး ပြစ်မှု-ပြစ်ဒဏ် ကင်းရှင်းသူများဖြစ်ကြောင်း စိစစ်တွေ့ရှိ၍ ပြန်လည်လက်ခံခြင်းဖြစ်ကြောင်း ရေးသားကြသည်။ ။ သတင်းဘာသာပြန်သူ ))
……
(( အလျဉ်းသင့်၍ တင်ပြရလျှင် .. ဒုက္ခသည်ဘင်္ဂါလီ ၁.၄ သန်းကို လက်ခံရန် ဒေါ်အောင်ဆန်းစုကြည်နှင့် ရှိတ်ဟာစီနာတို့ စာချုပ် ချုပ်ဆိုခြင်း၊ ဒုက္ခသည်ဘင်္ဂါလီအားလုံးကို ပြန်လည်ခေါ်ယူပါမည်ဟု ဗိုလ်ချုပ်မှူးကြီး မင်းအောင်လှိုင်က ဒါကာသို့ သွားရောက်ပြောကြားသည်ဆိုကြခြင်းမှာ အင်္ဂလိပ်-ဘင်္ဂါလီဘာသာဖြင့် ထုတ်ဝေသော ဘင်္ဂလားဒေ့ရှ်သတင်းစာများတွင် လုံးဝမတွေ့မိပါ။ ဘင်္ဂလားဒေ့ရှ်နေ မိတ်ဆွေများလည်း မသိကြ၊ ကာယကံရှင်များဖြစ်သော ဒုက္ခသည် ဘင်္ဂါလီများပင် မကြားဖူးသော သတင်းဖြစ်ပါသည်။..  
အကယ်၍ သတင်းအမှန်ဖြစ်ခဲ့လျှင် လူတိုင်းစိတ်ဝင်စားမည့် ကမ္ဘာကျော်သတင်းဖြစ်၍ အနံခံကောင်းသော နိုင်ငံတကာမီဒီယာကြီးများက လက်တစ်ဆုံးနှိုက်ကာ အသေးစိတ်ဖော်ပြကြမည်သာဖြစ်သည်။ ။သတင်းဘာသာပြန်သူ ))..     
(((Dhaka Tribune., March 8, 2021, “India sets up holding center for Rohingya in Kashmir” ကို #HtayOung, #OungMarine ဆီလျော်အောင် ကောက်နှုတ်ဘာသာပြန်ဆိုသည်။ )))
..
https://www.dhakatribune.com/world/south-asia/2021/03/08/india-sets-up-holding-center-for-rohingya-in-kashmir
https://www.hrw.org/news/2018/10/04/india-7-rohingya-deported-myanmar#
https://www.reuters.com/article/us-myanmar-rohingya-india-idUSKCN1OX0FE 

Leave a Reply

Your email address will not be published.