ကမ္ဘာ့သြဇာအကြီးဆုံး အမျိုးသမီး ၁၀၀ တွင် အာရှတိုက်သူ ၁၉-ဦး ပါဝင်။ အာရှနိုင်ငံ ခေါင်းဆောင်အမျိုးသမီးများအနက် ထိုင်ဝမ်သမ္မတနှင့် ဘင်္ဂလားဒေ့ရှ်ဝန်ကြီးချုပ်တို့မှာ ရှေ့တန်း၌ တည်ရှိနေ။ အိန္ဒိယနှင့် အင်ဒိုနီးရှား အမျိုးသမီးဘဏ္ဍာရေးဝန်ကြီးတို့လည်း အမည်ဖော်ပြခြင်းခံရ

ဒီဇင်ဘာလ ၈-ရက်နေ့တွင် Forbes က ကမ္ဘာ့သြဇာအကြီးဆုံး အမျိုးသမီး အယောက် ၁၀၀ တို့၏ အမည်စာ ရင်းကို ဖော်ပြခဲ့ရာ ဘင်္ဂလားဒေ့ရှ်နိုင်ငံမှ ဝန်ကြီးချုပ် ရှိတ်ဟာစီနာ ( ၇၃-နှစ် ) မှာ အမှတ်စဉ် ၃၉ တွင် တည်ရှိ နေသည်ဟု ဒါကာအခြေစိုက် The Daily Star က ယနေ့ဖော်ပြသည်။

ကမ္ဘာအရပ်ရပ်မှ နည်းပညာ၊ စီးပွားရေး၊ ဘဏ္ဍာရေးနှင့် နိုင်ငံရေးနယ်ပယ်အသီးသီးတွင် အောင်မြင်စွာဦး ဆောင်လျှက်ရှိသူ အမျိုးသမီး ၁၀၀ တို့တွင် ဂျပန်၊ တောင်ကိုရီးယား၊ ထိုင်ဝမ်၊ တရုတ်၊ ဟောင်ကောင်၊ အင်ဒို နီးရှား၊ ဘင်္ဂလား ဒေ့ရှ်နှင့် အိန္ဒိယစသည့် နိုင်ငံတို့မှ အာရှတိုက်သူ ၁၉-ဦး ပါဝင်သည်ကိုတွေ့ရှိရသည်။

နိုင်ငံ့ခေါင်းဆောင်အမျိုးသမီးများတွင် ထိုင်ဝမ်သမ္မတ ဆိုင်အင်းဝမ် ( ၆၄-နှစ် ) က အမှတ်စဉ် ၃၇ ဖြင့် အာရှတိုက်၏ သြဇာအကြီးမားဆုံး အမျိုးသမီး နိုင်ငံရေးသမားတစ်ဦးအဖြစ် တည်ရှိနေသည်။

ယခုနှစ်တွင်လည်း ဂျာမနီမှ ဝန်ကြီးချုပ် အင်ဂျီလာမာကယ် ( ၆၆-နှစ် ) မှာ ပထမနေရာ၌ ဆက်လက် တည်ရှိ နေပြီး ဥရောပဗဟိုဘဏ် ဥက္ကဋ္ဌ ပြင်သစ်နိုင်ငံသာ ခရစ်စတင်းလာဂရိတ် ( ၆၄-နှစ် ) မှာ ဒုတိယလိုက်သည်။ ၂၀၂၀ ပြည့်နှစ် အမေရိကန်သမ္မတရွေးကောက်ပွဲတွင် ဒုတိယသမ္မတအဖြစ်ရွေးချယ်ခြင်းခံရသူ ကမ်မီလာဟဲရစ် ( ၅၆-နှစ် ) သည် တတိယနေရာ၌ ဖော်ပြခြင်းခံရသည်။

အခြားအာရှတိုက်သူနိုင်ငံရေးခေါင်းဆောင်များတွင် အိန္ဒိယဘဏ္ဍာရေးဝန်ကြီး နီမာလာစီတရာမန် ( ၆၁-နှစ် ) သည် အမှတ်စဉ် ၄၁၊ တိုကျိုအုပ်ချုပ်ရေးမှူး ယူရီကိုကွိုင်ကီ ( ၆၈-နှစ် ) သည် အမှတ်စဉ် ၆၃ ၊ အင်ဒိုနီးရှား ဘဏ္ဍာရေးဝန်ကြီး ဆရီမူလရာနီအင်ဒြာဝတီ ( ၅၈-နှစ် ) သည် အမှတ်စဉ် ၇၈ တို့၌ အသီးသီးတည်ရှိကြောင်း Forbes က ရွေးချယ်ဖော်ပြသည်။

ကမ္ဘာ့သြဇာအကြီးဆုံး အာရှတိုက်သူ အမျိုးသမီး ၁၉-ဦး

================

၁- အမှတ်စဉ် #၂၁ Jessica Tan ( ၄၂-နှစ် ) တရုတ် ဘဏ္ဍာရေး

၂- အမှတ်စဉ်#၂၅ Nicke Widyawati ( ၅၂-နှစ် ) အင်ဒိုနီးရှား စီးပွားရေးလုပ်ငန်း

၃- အမှတ်စဉ် #၃၀ Ho Ching ( ၆၇-နှစ် ) စင်္ကာပူ ဘဏ္ဍာရေး

၄- အမှတ်စဉ်#၃၄ Joey Wat 49 ( ၄၉-နှစ် ) တရုတ် စီးပွားရေးလုပ်ငန်း

၅- အမှတ်စဉ်#၃၇ #ဆိုင်အင်းဝမ် ( ၆၄-နှစ် ) ထိုင်ဝမ် နိုင်ငံရေး၊ စီမံအုပ်ချုပ်

၆- အမှတ်စဉ်#၃၉ #ရှိတ်ဟာစီနာ ( ၇၃-နှစ် ) ဘင်္ဂလားဒေ့ရှ်၊ နိုင်ငံရေး၊ စီမံအုပ်ချုပ်Bangladesh

၇- အမှတ်စဉ်#၄၁ #နီမာလာစီတရာမန် ( ၆၁-နှစ် ) အိန္ဒိယ၊ နိုင်ငံရေး၊ စီမံအုပ်ချုပ်

၈- အမှတ်စဉ်#၄၇ Mingzhu Dong ( ၆၆-နှစ် ) တရုတ် စီးပွားရေးလုပ်ငန်း

၉- အမှတ်စဉ်#၅၅ Roshni Nadar Malhotra ( ၃၉-နှစ် ) အိန္ဒိယ နည်းပညာ

၁၀- အမှတ်စဉ်#၆၀ Maggie Wei Wu ( ၅၂-နှစ် ) တရုတ် စီးပွားရေးလုပ်ငန