ကိုဗစ်-နိုင်တင်း ကိုရိုနာဗိုင်းရပ်စွဲ ကူးစက်ကပ်ရောဂါ လျှင်မြန်စွာ ကူးစက်ပျံ့နှံ့လျှက်ရှိ။ ကမ္ဘာအဝှမ်း တစ်ရက်အတွင်း လူပေါင်း ၂-သောင်း ၃-ထောင်ကျော်ထပ်မံကူးစက်ခံရ

Covid-19 ကိုရိုနာဗိုင်းရပ်စ်စွဲကူးစက်ကပ်ရောဂါ ပျံ့နှံ့မှုကို နိုင်ငံတကာတွင် အပတ်တကုတ် ကြိုးစားတိုက်ဖျက်လျှက်ရှိသည့်တိုင် ရောဂါပိုးကူးစက်မှု့မှာ လွန်ခဲ့သည့် ရက်သတ္တပတ်မှစတင်ကာ တဖြည်းဖြည်းမြင့်တက်လာသည်ကို တွေ့ရှိရကြောင်း Dhaka Tribune က ယနေ့ရေးသားသည်။

တနင်္လာနေ့ တစ်ကမ္ဘာလုံးတွင် ၁-ရက်တည်း၌ ရောဂါကူးစက်မှု့ ၃၂,၄၃၃ ခု ထပ်မံဖြစ်ပွားခဲ့ပြီး ယခုအချိန်အထိ ရောဂါဖြစ်ပွားမှုအရေအတွက်မှာ ၃၅၁,၇၃၃ ဖြစ်ကြောင်း Worldometers ဖော်ပြချက်အရ သိရှိရသည်။

ဗိုင်းရပ်စ်ပိုးစွဲကပ်ခံရသူ အရေအတွက်မှာ ၂၂၄,ဝ၃၁ ရှိပြီး ၎င်းတို့၏ ၉၅- % မှာ သာမန်ရောဂါဝေဒနာများ ခံစားနေကြရသည်။ ကျန် ၅ % သို့မဟုတ် လူနာပေါင်း ၁၀,၅၅၃ -ဦးတို့မှာ စိုးရိမ်ရသော အခြအနေအနေ၌ ရှိသည်။

တစ်ချိန်တည်းမှာပင် ကမ္ဘာတစ်လွှား၌ ရောဂါကူးစက်ခြင်းခံရသော်လည်း အပြည့်အဝ ပြန်လည်ကောင်းမွန်လာသူပေါင်း ၁၀၀,၆၀၅ ဦးမှာ ဆေးကုသမှု ကင်းလွတ်ခဲ့ပြီးဖြစ်သည်။


SARS-CoV-2 ဗိုင်းရပ်စ်ပိုးသည် ပြီးခဲ့သည့်နှစ် နှောင်းပိုင်းတွင် တရုတ်နိုင်ငံ ဟူဘေးပြည်နယ် ဝူဟန်မြို့ဈေးရှိ တောရိုင်းတိရစ္ဆာန်များအား တရားမဝင်ကူးသန်းရောင်းဝယ်မှုမှ ထွက်ပေါ်လာကြောင်း မှတ်ယူကြသည်။ ၂၀၁၉- ခုနှစ် ဒီဇင်ဘာလတွင် အသစ်တွေရရှိရသော ကိုရိုနာဗိုင်းရပ်စ်ပိုးကြောင့် ပြင်းထန်အသက်ရှုလမ်းကြောင်းရောင် ရောဂါဖြစ်စေကြောင်းနှင့် နှာချေ-ချောင်းဆိုးရာမှ လွင့်စင်လာသောသောအမှုန်အမွှားများမှတဆင့် လူအချင်းချင်း ကူးစက်ရောဂါ ပျံ့ပွားစေနိုင်ကြောင်း သိရှိလာခဲ့သည်။ ဇန်နဝါရီလတွင် တရုတ်အစိုးရက ဝူဟန်မြို့နေ လူ ၁၁-သန်းတို့အား ထိရောက်တင်းကြပ်သော တားဆီးပိတ်ဆို့မှုများ စတင်ပြုလုပ်သည်။

ယခုအချိန်ထိ နိုင်ငံနှင့် နယ်မြေပေါင်း ၁၈၈ -ခုတို့တွင် ကူးစက်ကပ် ရောဂါကျရောက်လျှက်ရှိပြီး စတင်သိရှိချိန်မှစ၍ လူပေါင်း ၁၅,၃၇၂ ဦး အသက်ဆုံးရှုံးခဲ့ရပြီးဖြစ်သည်။ ရောဂါကူးစက်မှု အလွန်လျှင်မြန်ကြောင်း ကမ္ဘာအနှံ့ သတိပေးချက် ထွက်ပေါ်လျှက်ရှိသော်လည်း ရောဂါလက္ခဏာပြသခြင်းမတိုင်မီ ပျံ့ပွားနှုန်းနှင့် သေဆုံးနှုန်းတို့ကို အတိအကျ မသိရှိရသေးသဖြင့်စိုးရိမ်ဖွယ်ရာဖြစ်သည်။

(( ကမ္ဘာအရပ်ရပ် နေရာဒေသအချို့နေ လူအများတွင် အရေပြားရောဂါ၊ ခဲဆိပ်-ပြဒါးဆိပ်သင့်ခြင်း စသည့် ရောဂါဝေဒနာများ ဖြစ်ပွားခဲ့ဖူးသည်။ အမှိုက်စွန့်ပစ်သည့်စံနစ်အမှားကြောင့် အနီးအနားနေထိုင်သူများ ပြဒါးဆိပ်- အရေပြားရောဂါ သင့်ကြရပြီး ပေးဝေသည့် သောက်ရေကြောင့် ခဲဆိပ်သင့်ကြရခြင်းဖြစ်သည်။ သို့သော် အဆိုပါ ရောဂါတို့မှာ အခြားဒေသတစ်ခုနေသူများအား ကူးစက်ခြင်းမရှိချေ။

ထို့အတူ ရောဂါအချို့သည် မျိုးရိုးလိုက်တတ်သည်။ ရောဂါအတော်များများမှာ လူအချင်းချင်း ကူးစက်နိုင်ခြင်း မရှိပါ။


တုတ်ကွေးဖျား Flu သည် လူတစ်ဦးမှ တစ်ဦးသို့ “ ကူးစက်စေသည့်ရောဂါ “ Epidemic “ အက်ပီဒမ်မစ်” ဖြစ်သည်။ “ ဒေသ-မြို့-ရွာ-ရပ်ကွက်-လူတစ်စု၌ ယာယီကျရောက်သော ရောဂါ ” ဟု ဆိုလိုသည်။ အဆိုပါရောဂါသည် တစ်နိုင်ငံမှ တစ်နိုင်ငံ၊ တိုက်ကြီး တစ်ခုမှ တစ်ခု၊ ကမ္ဘာအရပ်ရပ်သို့တိုင် ပျံံ့နှံ့သွားခဲ့လျှင် “ နိုင်ငံတကာ ကူးစက်ကပ်ရောဂါ “ Pandemic “ ပန်ဒမ်မစ် “ ဟု ခေါ်ပါသည်။


Epidemic နှင့် Pandemic နှစ်မျိုးစလုံးတွင် နောက်မှ လာသော -demic ဆိုသည်မှာ democracy ဒီမိုကရေစီ ဟု အင်္ဂလိပ်တို့ မွေးစားယူလိုက်သော မူရင်း ဂရိဘာသာ “demos “ ဖြစ်ပြီးလျှင် “ လူအများ “ ဟု အဓိပ္ပါယ်ရှိသည်။

Epidemic တွင် ဦးတပ်စကား Epi- ဆိုသည်မှာ မြန်မာဘာသာ “ ၌- မှာ- တွင်- က- ဝယ်- အနီး“ ဟု ဆိုလိုသည်။

Pandemic တွင် ဦးတပ်စကား Pan ဆိုသည်မှာကား Epi ထက်ပိုမိုကျယ်ဝန်းပြီးလျှင် “ နေရာတကာ၊ အများ၊ အားလုံး “ ဟု ဆိုလိုပါသည်။


မတ်လ ၁၁-ရက် ၂၀၂၀ ပြည့်နှစ် Covid-19 နှင့် ပတ်သက်၍ WHO က တရားဝင် သတ်မှတ်ကြောင်း ကြေညာ ချက်မှာ “ နိုင်ငံတကာပျံ့နှံ့သော ကူးစက် ကပ်ရောဂါသစ် “ ဟူသတည်း။


ကမ္ဘာအနှံ့ “ Covid-19 ခေါ် ပြင်းထန် ကူးစက်ရောဂါကပ် ကျရောက်ပြီ “ ဟု ဆိုလိုခြင်းဖြစ်ပါသည်။ ။ သတင်းဘာသာပြန်သူ ))


((( Dhaka Tribune., March 23rd, 2020 , “Coronavirus: 32,433 new cases reported worldwide.” ကို #HtayOung, #OungMarine ဆီလျော်အောင် ကောက်နှုတ်ဘာသာပြန်ဆိုသည်။ ဆက်စပ်ဖော်ပြချက် များမှာ ပေးထားပါ Links များအတိုင်းဖြစ်သည်။ )))


#ကိုရိုနာဗိုင်းရပ်စ်စွဲကူးစက်ကပ်ရောဂါ #အက်ပီးဒမ်မစ် #ပန်ဒမ်မစ်

https://www.dhakatribune.com/world/2020/03/23/coronavirus-32-433-new-cases-reported-on-sunday

https://www.dhakatribune.com/world/2020/03/22/coronavirus-first-of-many-pandemics-environmentalists-warn

https://www.worldometers.info/coronavirus/

https://www.dictionary.com/e/epidemic-vs-pandemic/

=====

0

Leave a Reply

Your email address will not be published.