ကိုဗစ်-နိုင်တင်း ကူးစက်ကပ်ရောဂါမှာ ယနေ့နံနက်ပိုင်းအထိ ကမ္ဘာတစ်ဝှမ်း ကူးစက်ခံရမှု့ပေါင်း ၁-သန်းကျော်၊ သေဆုံးသူ ၅၃,၀၀၀ ကျော်လာခဲ့ပြီဖြစ်သည်။ အထိနာဆုံးမှာ အမေရိကန်- အီတလီ- စပိန်- ပြင်သစ်၊ တရုတ်- အီရန်တို့ဖြစ်ကြသည်။

တောင်ရှဒေသ ပါကစ္စတန်- အိန္ဒိယ- ဘင်္ဂလားဒက်ရှ် ၃-နိုင်တည်း၌ ကမ္ဘာ့လူဦးရေ ၅-ပုံ ၁-ပုံ နေထိုင်သည်။ ဘာသာရေးယုံကြည်ချက် အစွဲအလန်းကြီးမားကြပါသည်။ ထို့ပြင် အဆိုပါ ၃-နိုင်ငံလုံး၏ လူထုကျန်းမာရေးစောင့်ရောက်မှုမှာ များစွာ မကျယ်ပြန့်ပါ။ ဆင်းရဲချမ်းသာ ကွာဟချက် ကြီးမားပြီး၊ လက်လုပ်လက်စား အလွန်များ၍ မြို့ပြကြီးများအပေါ် မှီခို အသက်မွေးသူ အများစုကြီးရှိနေသည်။

Movement Restriction အသွားအလာ ကန့်သတ်ခြင်း၊ Lock-Down တားဆီးပိတ်ဆို့ခြင်း၊ Quarantine ရောဂါ ခြေချုပ်ချခြင်းတို့အတွက် အလွန် ဦးနှောက်ခြောက်ကြရသည်။ တစ်နေ့လုပ် တစ်နေ့စားများအတွက် ဝင်ငွေရလမ်း ပျောက်ကွယ်ကာ စားစရာအခက်အခဲဖြစ်လာသည်။ ထို့အပြင် လူအသွားအလာပြတ်ခြင်းသည် အနုကြမ်းစီးခြင်း၊ လုယက်ခြင်းတို့ကို လက်ယပ်ဖိတ်ခေါ်နေသလို ရှိလေသည်။ ရောဂါပိုးပျံ့နှံ့ခြင်းမှ ကာကွယ်တားဆီးခြင်းနှင့် ရပ်ရွာ လူ့အဖွဲ့အစည်းတို့၏ လုံခြုံအေးချမ်းရေး၊ တရားဥပဒေစိုးမိုးရေးမှာ တစ်ထပ်တည်း ကျလာသည်။

ကျန်းမာရေး ဗဟုသုတနည်းပါးသဖြင့် Quarantine ခြင်းခံရသူတို့ကို ရောဂါသည်ပမာ ခွဲခြားဆက်ဆံသည်။ ရောဂါသယ်ဆောင်သူ လက်ခံထားခြင်း သံသယဖြင့် တစ်ရွာနှင့် တစ်ရွာ မယုံသင်္ကာဖြစ်ကာ ရိုက်ကြ-နှက်ကြ ရုန့်ရင်းဆန်ခတ် ဖြစ်ကြရသည်။ လူဦးရေအလွန်များပြီး လူနေသိပ်သည်းအတွက် ရောဂါကူးစက်ခံရလျှင် လူအရေအတွက် များစွာတို့အား အချိန်တိုအတွင်းပျံ့နှံ့သွားနိုင်သည်။ နောက်ဆက်တွဲ အနေဖြင့် ရက်ပိုင်းအတွင်း လူအများအပြား သေဆုံရဖွယ်ရှိနေသည်။

လူဦးရေအလွန်နည်းသည့် ဒိန်းမတ်- နော်ဝေ-ဆွီဒင်စသည့်နိုင်ငံများ အကြပ်အတည်းတွေ့ရပုံမှာ တစ်မျိုးဖြစ်သည်။ လူဦးရေနည်းရသည့်အထဲ ရာခိုင်နှုန်းတစ်ခုသာ ရောဂါခြေချုပ်ချရလျှင် လူ့အဖွဲ့အစည်းကြီးတစ်ခုလုံး၏ ပုံမှန်လုပ်ငန်းများ ရပ်တန့်သွားဖွယ်ရှိသည်။ WHO သည် ကမ္ဘာ့နိုင်ငံအားလုံးကို ကူးစက်ရောဂါကပ်ဘေးဆိုင်ရာ လမ်းညွှန်ချက်များ ချမှတ်ပေးလျှက်ရှိသည်။ အမေရိကန်ကဲ့သို့ ထိပ်တန်းဆေးသိပ္ပံပညာရှင်များရှိပြီး CDC ကဲ့သို့ ကမ္ဘာအနှံ့ ရောဂါထိန်းချုပ်ရေးစင်တာခွဲများပိုင်ဆိုင်သော နိုင်ငံသည် WHO နှင့် သဘောကွဲလွဲသည်များလည်းရှိနေကြောင်း တွေ့ရှိရသည်။ အတည်ပြုနိုင်သည်မှာ ၃-လကျော်ခန့်သာ ရှိသေးသော ရောဂါပိုးသစ်၏ သဘောသဘာဝနှင့် ကုသဆေးအကြောင်း ပြောရသည်မှာ ပညာရှင်ချင်းပင် ဒုတ်ထမ်း-ဒါးထမ်း ဖြစ်ရတော့သည်။

Covid-19 ကိုဗစ်-နိုင်တင်းသည် နိုင်ငံတကာကျရောက်သော ” ကူးစက်ကပ်ရောဂါ ” ဖြစ်ပါသည်။ သို့သော် နိုင်ငံတစ်နိုင်ငံချင်းစီ၏ လူနေမှုပုံစံ၊ ကျန်းမာရေးဗဟုသုတရှိမှု၊ မြေမျက်နှာသွင်ပြင်နှင့် လက်ရှိရာသီဥတုအခြေအနေကိုလိုက်၍ ခံစားရပုံခြင်း ကွာခြားနိုင်ပါသည်။

တစ်နိုင်ငံလုံး- လူအားလုံး တစ်ပြေးညီ ညှိပစ်ခြင်းထက် ရပ်ကွက်- မြို့ – ရွာ – ခရိုင်- ဒေသအလိုက် မိမိတို့နှင့် ဆီလျှော်ရာကို လက်ခံကျင့်သုံးခြင်းသည်သာ အကျိုးများပါလိမ့်မည်။ တစ်ဦးတစ်ယောက်ချင်းစီသာမက တစ်အုပ်စု- တစ်ဖွဲ့ချင်းအလိုက် အသိဉာဏ်ရှိ-ရှိ ဥပဒေနှင့်လည်းအညီ ဆောင်ရွက်သင့်သည်။

မည်သို့ဖြစ်စေကာမူ သာမန်မျက်စိဖြင့် မမြင်ရသော ဗိုင်းရပ်စ်ရောဂါပိုးရန်သူကို လူသားတို့၏ မလှေ့ျာသော ဇွဲလုံ့လက မဝေးသောတစ်နေ့တွင် မသွေချ အနိုင်ယူပါလိမ့်မည်။

အစဉ်လေးစားစွာဖြင့်

#HtayOung, #OungMarine

=====

https://apps.who.int/iris/handle/10665/330376 https://www.dhakatribune.com/world/2020/03/31/coronavirus-low-mask-wearing-countries-experiencing-more-deaths https://www.nytimes.com/2020/03/31/health/cdc-masks-coronavirus.html https://www.businessinsider.com/coronavirus-face-masks-how-effective-are-they-evidence-so-far-2020-3 https://edition.cnn.com/2020/03/30/world/coronavirus-who-masks-recommendation-trnd/index.html https://www.sciencemag.org/news/2020/03/not-wearing-masks-protect-against-coronavirus-big-mistake-top-chinese-scientist-says# https://www.freemalaysiatoday.com/category/leisure/2020/03/18/experts-warn-masks-gloves-dont-stop-spread-of-covid-19/ https://www.dhakatribune.com/world/south-asia/2020/03/30/indian-police-fired-tear-gas-on-jobless-workers-defying-coronavirus-lockdown https://www.aljazeera.com/news/2020/03/india-covid-19-lockdown-hits-hiv-chronic-patients-hard-200329200022525.html https://www.theguardian.com/world/2020/mar/30/india-wracked-by-greatest-exodus-since-partition-due-to-coronavirus https://edition.cnn.com/2020/03/30/india/india-coronavirus-social-distancing-intl-hnk/index.html https://www.rt.com/news/484462-indian-authorities-spray-migrants/ https://www.rt.com/news/484442-india-lockdown-extension-migrants/ https://www.rt.com/news/484385-india-man-bite-kill-woman-coronavirus/ https://www.dhakatribune.com/world/south-asia/2020/03/30/india-says-no-plan-to-extend-coronavirus-lockdown-as-poor-struggle

0

Leave a Reply

Your email address will not be published.