ကိုရိုနာဗိုင်းရပ်စ်စွဲကူးစက်ကပ်ရောဂါနှင့် ဖြစ်ပေါ်လာသည့် အနာဂါတ်ကမ္ဘာ။ ရန်သူအတွင်းရောက်နေချိန်တွင် နယ်နိမိတ်စည်းရိုးကာခြင်း

ကိုရိုနာဗိုင်းရပ်စ်စွဲ ကူးစက်ကပ်ရောဂါသည် လျှင်မြန်စွာတစ်ရှိန်ထိုးကျယ်ပြန့်လာခြင်းနှင့်အတူ လူ့အဖွဲ့အစည်း အတွင်း မလုံခြုံမှုနှင့်အတူ ကြောက်ရွံ့မှု- မျှော်လင့်ချက်ပျက်ပြားမှုတို့ကိုပါ ဖြန့်ဝေပေးနေသည်။ ထို့ထက်ပို၍ ဆိုရလျှင် မာနထိန်းချုပ်မှု- စွမ်းလူ့အဖွဲ့အစည်းတို့၏ ဇွဲသတ္တိ – သိပ္ပံပညာ – နည်းပညာနှင့် ဒီမိုကရေစီတို့ကို ပြင်း ထန်စွာ ချိုးနှိမ်ပစ်လိုက်သည်။

ယနေ့ဥရောပတိုက်သားများသည် တစ်နိုင်ငံနှင့် တစ်နိုင်ငံ- မြို့ကြီးတစ်မြို့နှင့် တစ်မြို့ – ရပ်ကွက်တစ်ခုနှင့် တစ်ခု၊ မိမိနှင့် အိမ်နီးချင်းတို့ကြားတွင် နယ်နိမိတ်အတားအဆီးများ တည်ဆောက်ကာ ပုန်းအောင်းလျှက်ရှိနေသည်။ အိမ်နီးချင်းများနှင့် ဝေးဝေးနေရန် ကိုယ်တိုင်သာမက သားမြေးတို့ကိုပါ လက်ဆင့်ကမ်းသယ်ဆောင်နေသည်။

နယ်နိမိတ်များကိုလေးစားခြင်းမရှိခဲ့သော မျက်မှောက် ခေတ်သစ်ဥရောပသည် ဗိုင်းရပ်စ်တစ်မျိုးကိုရင်ဆိုင် ရာတွင် နေရာအနှံ့နယ်နိမိတ်များတည်ဆောက်နေသည်။ နယ်နိမိတ်ကို မသိသော ဝိရောဓိဆန်သည့် ဗိုင်းရပ်စ် အတွက် အဖြေရှာရာတွင် နယ်နိမိတ်များ လိုအပ်သည်ဟူ၏။  

ထိုသို့ သီးသီးသန့်သန့် တကူးတက လုပ်သည့်တိုင် တကယ်တော့ သိပ်အကျိးမများလှပါ။ မမြင်ရသည့် ခြိမ်း ခြောက်မှုမှာ အတွင်း၌ ရောက်ရှိနေပါပြီ။ ကူးစက်ရောဂါသည် အီတလီမှစပိန်၊ ပြင်သစ်၊ ဂျာမနီနှင့်အခြားဒေသ များသို့ပျံ့နှံ့သွားသည်နှင့်အမျှ ရောဂါဖြစ်ပွားနှုန်း တိုးမလာစေရန် တရုတ်၏ ခပ်ကြမ်းကြမ်းအာဏာရှင်ပုံစံ တားဆီးထိန်းချုပ်မှုများ မလွဲမရှောင်သာ ကျင့်သုံးလာရသည်။ တရုတ်၌ ရောဂါကူးစက်ပျံ့နှံစဉ် ပေလယျကံပြု ခဲ့သော ဥရောပနိုင်ငံများသည် အီတလီ၏ ကူးစက်သေဆုံးအရေအတွက်ကိုကြည့်ကာ တားဆီးပိတ်ဆို့ခြင်းများ ကြောက်လန့်တကြား လုပ်ဆောင်လာသည်။

ဥရောပတိုက်သားများ လွတ်လပ်စွာခရီးသွားလာခွင့်နှင့်အလုပ်လုပ်ပိုင်ခွင့်ရှိသည့် နယ်နိမိတ်မဲ့ ဥရောပ၏စည်း လုံးညီညွတ်မှုအခြေခံများ အတော်ဝေးဝေးရောက်ရှိသွားသည်။ ဥရောပသည် ကွန်မြူနစ်ဝါဒနှင့် “ ရွှေ့ပြောင်း သွားလာသူများအရေး“ ကို ကြောက်မက်ဖွယ်ရာဟု ရှုမြင်သည်။ ရွှေ့ပြောင်းသွားလာသူအရေးသည် ယခုအခါ သေးသေးလေးဖြစ်သွားသည်။ နယ်နိမိတ်များ တင်းကြပ်လိုက်သဖြင့် ရွှေ့ပြောင်းသွားလာသူပြဿနာ မရှိတော့ ချေ။

ရာဂါကပ်ဘေးသည် စစ်ပွဲထက်ဆိုးသလားဟု တွေးမိကြပါလိမ့်မည်။ သင်သည် ရောဂါပိုးနှင့် ညှိနှိုင်း၍လည်းမရ ကပ်ရောဂါမှ ထွက်ပြေး၍လည်း မဖြစ်ချေ။  ယခုမမြင်ရတဲ့ရန်သူရောက်လာပါပြီ။ “သင် လက်တင်လိုက်သော  တံခါးလက်ကိုင်မှ သင့်အား ဗိုင်းရပ်စ်ပိုး ကူးစက်နိုင်ခြေရှိသည်ဟု တွေးနေရခြင်းမှာ လူအများဆုံးစိတ်တွင် ဖြစ်ပွားနေသည့် ကြောက်ရွံ့မှု့ဖြစ်သည်။

ဥရောပသည် လမ်းလျှောက်သူနှင့် ကဖီးဆိုင်များယဉ်ကျေးမှု ထွန်းကားရာဖြစ်သည်။ ဗိုင်းရပ်စ်ကူးစက်ပျံ့နှံ့မှု့ ကြောင့် ကဖီးဆိုင်များ၊ ပြတိုက်များ ပိတ်လိုက်ရသည်။ လေကြောင်းလိုင်းများနှင့် ကူးလူးသွားလာမှု့ ဆိုင်းငံ့ လိုက်သောအခါ ခရီးသွားများ မရှိတော့ချေ။ အဆိုပါယဉ်ကျေးမှု ၂-ရပ်လုံး တစ်ပြိုင်နက်တည်း ပျက်စီးသွား သည်။ လုံခြုံစိတ်ချရသောနေရာ ဘယ်မှာလဲဆိုသည်မှာ အကြပ်အတည်းတွေ့နေသူ အားလုံးအတွက် မေးခွန်း ဖြစ်ပါသည်။

(( ရှည်လျားသော မူရင်းဆောင်းပါး၏ ဆိုလိုရင်းမှာ ကိုရိုနာဗိုင်းရပ်စ်ကြောင့် နောက်ဆက်တွဲ အနာဂါတ် ကမ္ဘာ တွင် စီးပွားရေး အထိနာမည်။ နိုင်ငံခြားရေးပေါ်လစီများ ပြောင်းလဲမည်။ ဒီမိုကရေစီ ဘေးချိတ်၍ ကိုယ်ကျိုး စီးပွား ကာကွယ်ရေးအယူအဆများ ထွန်းကားမည်ဟူ၍ နားလည်မိပါသည်။

ယနေ့ Covid-19 ရောဂါ ကူးစက်၍ ဖျားနာသေဆုံးအများဆုံးဧရိယာများကို ကမ္ဘာ့မြေပုံ၌ကြည့်လျှင် အာရှ တွင် တရုတ်နှင့် တောင်ကိုရီးယား၊ ဥရောပတွင် အီတလီ-ပြင်သစ်-ဂျာမနီ-စပိန်တို့တွင် အများဆုံး ဖြစ်ကြောင်း တွေ့ရပါမည်။ အထူးသဖြင့် အဆိုပါဥရောပနိုင်ငံများသည် တရုတ်၏ပြင်ပတွင် ကြောက်လန့်ဖွယ် ရောဂါကူး စက်လျှက်ရှိပြီး  သေဆုံးနှုန်း တစ်ရိပ်ရိပ်ထိုးတက်နေသည်။

လူ့သမိုင်းတွင် နိုင်ငံရေး-စီးပွားရေး ဒဿနသစ်တို့ မွေးဖွားကွန့်မြူးရာ ၎င်းဥရောပနိုင်ငံများသည် ကမ္ဘာစစ်ကြီး ကို ၂-ကြိမ်တိုင်တိုင် မီးမွှေးရာဒေသကြီးဖြစ်ခဲ့သည်ကို မမေ့ရန်လိုပါသည်။  

New York Times သတင်းစာမှ Steven J. Erlanger စတီဗင်ဂျေအာလ်လန်ဂါ သည် ထင်ရှားသော နိုင်ငံခြား ရေးရာ သတင်းသမားတစ်ဦး ဖြစ် ပြီး သူ၏ ရေးသားချက်တို့ကို နိုင်ငံပေါင်း ၁၂၀-ခန့်က တကူးတက ဖော်ပြ ပေးနေရသည်။ “ ကိုရိုနာဗိုင်းရပ်စ်စွဲ ကူးစက် ကပ်ရောဂါနှင့် ဖြစ်ပေါ်လာသည့် အနာဂါတ်ကမ္ဘာ” ကို #HtayOung, #OungMarine က ဆီလျော်အောင် အကျဉ်းချုံးဘာသာပြန်ဆိုပါသည်။ ))

#ကိုရိုနာဗိုင်းရပ်စ်ဥရောပအနာဂါတ်

2+

Leave a Reply

Your email address will not be published.