“ ကျွန်တော်တို့ရဲ့ မစ်ဆိုင်းလ်တွေက ကြီးမားပါတယ်။ “ အသက်ဆုံးရှုံးသူ မရှိ။ အီရန်နှင့် ငြိမ်းချမ်းစွာဆွေးနွေးမည်ဟု အမေရိကန်သမ္မတပြောဆို

အီရန်က အီရန်ရှိအမေရိကန်ညွန့်ပေါင်းလေတပ်စခန်းကို ဒုံးကျည်များဖြင့် ပစ်ခတ်ခဲ့ရာတွင် အသက်ဆုံးရှုံးသူ မရှိကြောင်း ဒေါ်နယ်ထရမ့်က ဒုံးကျည်ကြီးကို ပစ်ခတ်လိုက်ပြီး အီရန်နှင့် ငြိမ်းချမ်းစွာဆွေးနွေးမည်ဖြစ်ကြောင်း ပြောဆို သည်ဟု Russia Today က ယနေ့ရေးသားသည်။

အီရတ်ရှိ အေယန်အယ်လ်အဆဒ်လေတပ်အခြေစိုက်စခန်းနှင့် အာဘီလ်လေယာဉ်ကွင်းတို့ကို အီရန်က ဒုံးကျည်အမြောက်အများဖြင့် ပစ်ခတ်ခဲ့ပြီးနောက် သမ္မတဒေါ်နယ်ထရမ့်က အမေရိကန်ပြည်သူများသို့ ယနေ့အစီရင်ခံခဲ့ရာ အိမ်ဖြူတော်၏ တုန့်ပြန်ချက်ကို ကမ္ဘာတစ်ဝှမ်းမှ စိတ်လှုပ်ရှားစွာ စောင့်မျှော်ကြည့်ရှု့ခဲ့ကြသည်။

အီရန်ဒုံးကျည်ပစ်ခတ်မှု့အပြီး နာရီ အတော်ကြာပြီးနောက် အိမ်ဖြူတော်မှ တိုက်ရိုက်ပြောကြားသော ဒေါ်နယ်ထရမ့်၏ မိန့်ခွန်းတွင် အီရန်နိုင်ငံအား သက်ဆိုင်သူအားလုံးသို့ အမှာစကားကောင်း ဟု စတင်ရည်ညွှန်းထားသည်။ အီရန်အနေဖြင့် ညူကလီယာ ချဉ်ခြင်းတပ်မက်နေခြင်းကို စွန့်လွှတ်၍ အကြမ်းဖက် ဝါဒအား ထောက်ခံနေခြင်းမှ အဆုံးသတ်ရန်၊ ပိုမိုပြင်းထန် စုံလင်သော ဒါဏ်ခတ်ပိတ်ဆို့မှု့အသစ်များထပ်မံ ပြဋ္ဌာန်းမည်ဖြစ်ပြီး အီရန်နှင့် ညူကလီယာဆွေးနွေးမှု့ ပျက်ပြားစဉ် ချမှတ်ခဲ့သော ပိတ်ဆို့အရေးယူမှု့များလည်း ဆက်လက်တည်ရှိနေမည်ဖြစ်ကြောင်း ကတိပြုလိုက်သည်။

ဒေါ်နယ်ထရမ့်က ၎င်း၏ Twitter စာမျက်နှာတွင် ယနေ့ရေးသားရာ၌ “ ကျွန်ုပ်တို့၏ မစ်ဆိုင်းလ်များမှာ ကြီးမား၊ အစွမ်းထက်၊ တိကျ၊ လျှင်မြန်၍ သေဆုံးပျက်စီးမှု့ ပေးနိုင်စွမ်းရှိကြောင်း၊ ထိုသို့သော အင်အားကြီးလက်နက်နှင့် ကိရိယာမျိုးကို ကျွန်ုပ်တို့ထံတွင် ရှိနေခြင်း အမှန်ဖြစ်ကြောင်း၊ သို့သော်လည်း ၎င်းတို့ကို အသုံးပြုရကောင်းစေဟု အဓိပ္ပါယ်ဖြင့် လက်ဝယ်ထားခြင်း မဟုတ်ကြောင်း “ ရေးသားထားသည်ကို တွေ့မြင်ရသည်။

အစဉ်လေးစားစွာဖြင့်

#HtayOung, #OungMarine

((( Russia Today., 8 Jan, 2020, “‘No lives lost’: Trump holds fire on ‘big missiles,’ talks peace after Iran’s strikes on US bases in Iraq.” ကို #HtayOung, #OungMarine ဆီလျော်အောင် ကောက်နှုတ်ဘာသာပြန်ဆိုသည်။ )))

https://www.rt.com/usa/477742-trump-responds-iran-strike-us-bases/

#အီရန်နှင့်ငြိမ်းချမ်းစွာဆွေးနွေးမည်ဟုအမေရိကန်သမ္မတပြောဆို

0

Leave a Reply

Your email address will not be published.