ဂျီနိုဆိုက် စွပ်စွဲချက်မှာ မပြည့်မစုံနှင့် လှည့်စားဖော်ပြသည့် သတင်းများသာဖြစ်ဟု ဒီမိုကရေစီနှင့် လူ့အခွင့်အရေးပြယုဂ် မြန်မာခေါင်းဆောင်ဒေါ်အောင်ဆန်းစုကြည်က ချေပပြောဆိုကြောင်းနိုင်ငံတကာမီဒီယာတို့ ဖော်ပြ

ဒီဇင်ဘာ ၁၁-ရက်နေ့ နယ်သာလန်နိုင်ငံ သည်ဟိဂ်မြို့ နိုင်ငံတကာတရားခုံရုံး ICJ ၌ ဂမ်ဘီယာ- မြန်မာအမှု့နှင့်ပတ်သက်၍ မြန်မာခေါင်းဆောင်ဒေါ်အောင်ဆန်းစုကြည်က နှုတ်ဖြင့် ထွက်ဆိုလျှောက်လဲကြောင်း၊ ဂမ်ဘီယာနိုင်ငံက တင်ပြသည့် ဂျီနိုဆိုက် စွပ်စွဲချက်မှာ မပြည့်မစုံနှင့် လှည့်စားဖော်ပြသည့် သတင်းများသာ ဖြစ်ကြောင်း ဒီမိုကရေစီနှင့် လူ့အခွင့်အရေးပြယုဂ် ကမ္ဘ္ဘာ့ငြိမ်းချမ်းရေးနိုဘယ်ဆုရှင်က ထွက်ဆိုသည်ဟု CNN, Guardian, New York Time, UPI စသည့် နိုင်ငံတကာမီဒီယာကြီးများက ယနေ့ဖော်ပြကြသည်။

လွန်ခဲ့သည့် နိုဝင်ဘာ -၁၂ ရက်နေ့ ICJ တရားခုံရုံးတွင် ဂမ်ဘီယာနိုင်ငံက လျှောက်ထားရာ၌ မြန်မာနိုင်ငံသည် ၎င်းနိုင်ငံနည်းတူ လက်မှတ်ရေးထိုးထားသည့် အပြည်ပြည်ဆိုင်ရာဂျီနိုဆိုက်ကွန်ဗင်းရှင်းအား ဖောက်ဖျက်ပြီး တားဆီးခြင်းမရှိသဖြင့် ၄-လအတွင်း Provisional Measure လတ်တလောစီမံဆောက်ရွက်မိန့် ချမှတ်ပေးပါရန် ပါရှိသည်။

၎င်းအမှု့အတွက် ယခင်အခြားနိုင်ငံများ လုပ်ရိုးရှိသည့်အတိုင်း မြန်မာနိုင်ငံကလည်း သက်ဆိုင်ရာရှေ့နေချုပ်သာလျှင် စေလွှတ်လိမ့်မည်ဟု အများမျှော်လင့်ထားကြသည်။ မြန်မာ့တပ်မတော်အား ဖျက်သိမ်းပစ်ရန်အထိ ဦး တည်လာသော ဂျီနိုဆိုက်စွပ်စွဲချက်တို့ကို ခုခံဖြေရှင်းမည်ဆိုသူမှာ စစ်တပ်နှင့် သဟဇာတမဖြစ်ဟု အများထင်မှတ်ကြသည့် NLD အစိုးရခေါင်းဆောင် ဒေါ်အောင်ဆန်းစုကြည်ဖြစ်နေလေသည်။ ဤတွင် ပြည်တွင်းစစ် နှစ် ၇၀ သက်တမ်းနှင့် အာဆီယံအတွင်း ဖွံံ့ဖြိုးမှု့အနည်းဆုံး နိုင်ငံလေးက ရေနံသူဌေးများပါဝင်သည့် OIC ၅၇ နိုင်ငံနှင့် စင်ပေါ်တွင် ထိုးသတ်ရန် စိန်ခေါ်သလိုရှိသည်။

ထိုအခါ စစ်ဗိုလ်ချုပ်ကြီးများ ဂျီနိုဆိုက်ကျူးလွန်သည်ကို ခေါင်းခံမနေပဲ အမှန်အတိုင်း ဝန်ခံခဲ့ပါဟု ဆိုကြသည်။ ယမန်နေ့ ဒေါ်အောင်ဆန်းစုကြည် ထွက်ဆိုချက်မှာကား အများကြားသိပြီးဖြစ်ပါသည်။ ARSA အဖွဲ့၏ တိုက်ခိုက် မှု့များနှင့် ပျက်စီးဆုံးရှုံးရပုံ၊ ပြည်သူတို့အသက်အိုးအိမ်ကာကွယ်ရန်နှင့် တရားဥပဒေစိုးမိုးစေရန် အားထုတ်ခဲ့ပုံတို့ဖြစ်နေလေသည်။ မြန်မာဘက် ရှေ့နေတို့က ခုခံချေပရာတွင်လည်း ဂမ်ဘီယာကိုးကားချက်မှ ခြားနားချက်များ၊ ကုလအချက် အလက်ရှာဖွေရေးမစ်ရှင်၏ ဆောင်ရွက်မှု့ အားနည်းချက်များနှင့် ဂျီနိုဆိုက်မမြောက်ခြင်းကြောင့် စွပ်စွဲခြင်း မပြုထိုက်ကြောင်း အသေးစိတ် ထောက်ပြသွားသည်။

ဤတွက် ကြားရသူတို့မှာ ယခင်က တစ်ကမ္ဘ္ဘာလုံးက ပြောဆိုနေကြသည့် ဂျီနိုဆိုက်ဆိုသည့်အပေါ် အမျိုးမျိုးတွေးထင်ရန် ဖြစ်ပေါ်လာသည်။

ယနေ့ ဒီဇင်ဘာ ၁၂-ရက်နေ့ နံနက်ပိုင်းတွင် ဂမ်ဘီယာ၊ မွန်းလွဲပိုင်းတွင် မြန်မာတို့က အပြီးသတ်ထပ်မံ လျှောက်လဲကြမည်ဖြစ်သည်။

နှစ်ဖက်လျှောက်ချက်တို့ကို ၁၇-ဦးပါ တရားသူကြီးများက ဆုံးဖြတ်မည်ဖြစ်သည်။ ထို့ကြောင့် လျှောက်ထားချက် အောင်မြင်ရန် အနည်းဆုံး တရားသူကြီး ၉-ဦးက ထောက်ခံရန်လိုအပ်သည်။ ဂမ်ဘီယာလျှောက်ထားသည့် Provisional Measure လတ်တလောစီမံဆောက်ရွက် မိန့်ချမှတ်ရန်မှာ ၄-လသော်၎င်း ကြာကောင်းကြာနိုင်သည်။

၎င်းထက်လည်း နည်းနိုင်သည်။ ၁၉၉၃-ခုနှစ် ဘော့စနီးယား-ဟာဇီဂိုဗီးနားနှင့် ဆားဗီးယားအမှု့တွင် ( ၁၉ ) ရက်အတွင်း အမိန့်ချမှတ်ပေးနိုင်သည်မှာ ထိုစဉ်က ယူဂိုဆလားဗီးယားနိုင်ငံဟောင်းတွင် ICJ ရုံးခွဲရှိနေပြီး အခြားအလားတူ စွပ်စွဲချက်များ စီရင်ကြားနာနေခိုက် အဆင်သင့်၍ ဖြစ်နိုင်သည်။

ဂျီနိုဆိုက်မြောက်-မမြောက်ဆိုသည်ကိုဆုံးဖြတ်ရန်မှာ နှစ်ချီကြာမြင့်ပါမည်။

ဂျီနိုဆိုက်မဟုတ်ကြောင်း ICJ က ဆုံးဖြတ်ခဲ့လျှင် ..

ကမ္ဘ္ဘာ့အမြင့်ဆုံးတရားရုံး၏ အပြီးသတ်ဆုံးဖြတ်ချက်ဖြစ်ပါ၍ ဂျီနိုဆိုက်သည်ဟု ပါးစပ်အရသာခံကာ စွပ်စွဲရန် မရှိတော့ချေ။ ထို့အတူ တစ်ပြိုင်နက်တည်းလိုလို အမှု့ဖွင့်ထားသည့် ICC နှင့် အာဂျင်တီးနားတရားရုံးတို့၌ စွပ်စွဲချက်များလည်း အဟောသိကံဖြစ်ရဖွယ်ရှိသည်။

ဂျီနိုဆိုက်အမှန်ဖြစ်သည်ဆိုလျှက်ကား ပြောင်းပြန်ဖြစ်လာပါမည်။

ကျွန်တော့်အမြင်မတော့ ယခုစွဲဆိုမှု့သည် ငွေကြေးတစ်နင့်တပိုးအကုန်ခံကာ ဆယ်စုနှစ်ကြာမျှ စံနစ်တကျ ပြင်ဆင်ပြီး ထွက်ပေါ်လာခြင်းဖြစ်သည်။ ICJ ဆုံးဖြတ်ပြီးသည့်တိုင် နောက်ဆက်တွဲအမြောက်အများရှိနိုင်ပါသေးသည်။

(( ကျွန်တော်များသည် ဆရာမက မေးခွန်းမေးပြီး အဖြေပါ အာဂုံကျက်သော ခေါက်ရိုးကျိုး ပညာရေးဖြင့် အသားကျနေသူများဖြစ်သည်။ ထို့ကြောင့် ICJ အမှု့ ရှုံးမလား-နိုင်မလား သိလိုလျှင် စံဇာနည်ဘိုကို မေး ကြပါရန်။ မြန်မာဘက်က အားနည်းသည်- အားသာသည်ထင်မြင်လျှင် အပြည်ပြည်ဆိုင်ရာတရားဥပဒေ၌ ပါရဂူဘွဲ့ရသော ဒေါက်တာမြင့်ဇံ၊ ဒေါက်တာဆလိုင်းငွန်ကျုံးလျှံတို့ ဟောပြောသည်ကို နားထောင်သင့်ပါသည်။

ထို့ပြင် ICJ ၌ ပြောဆိုအသုံးပြုကြသည်မှာ သိပြီးဖြစ်သည့်အတိုင်း အင်္ဂလိပ်ဘာသာဖြစ်သည်။ ၎င်းကို မြန်မာဘာသာပြန်ဆိုချက်တစ်ခုခုမှ ဝါကျအရှေ့အနောက်စကားဆက်ကို သတိမပြုပဲ တစ်ကြောင်း-တစ်ပုဒ်ကို ကူးယူလျှက် ထင်ရာမြင်ရာပြောဆိုနေခြင်းများသည် အလွန်အဓိပ္ပါယ်မဲ့ရာရောက်သည်ဟု ကျွန်တော်မှတ်ယူပါသည်။ ဥပဒေအကြောင်းအရာကို ဘာသာတစ်ခုမှ တစ်ခုသို့ ပြန်ဆိုခြင်းသည် အလွန်တာဝန်ကြီးပြီး အလွန်လက်ဝင်- အသေးစိတ်တိကျမှု့လိုအပ်သောကြောင့် ဖြစ်ပါသည်။ ။ #HtayOung, #OungMarine သတင်းဘာသာပြန်သူ ))

https://edition.cnn.com/2019/12/11/asia/aung-san-suu-kyi-genocide-defense-intl-hnk/index.html

https://www.theguardian.com/world/2019/dec/11/aung-san-suu-kyi-tells-icj-myanmar-genocide-claims-factually-misleading

https://www.voanews.com/east-asia-pacific/aung-san-suu-kyi-appears-hague-defend-myanmar-against-genocide-charges

https://www.abc.net.au/news/2019-12-10/aung-san-suu-kyi-defends-myanmar-against-genocide-charges/11775626

https://www.aljazeera.com/news/2019/12/myanmar-suu-kyi-stand-genocide-case-hague-191211054254397.html

https://www.upi.com/Top_News/World-News/2019/12/11/Myanmar-leader-Aung-San-Suu-Kyi-rejects-genocide-claims/1061576065233/

https://abcnews.go.com/International/aung-san-suu-kyi-nobel-peace-prize-winner/story?id=67607751

#ICJ #ဒေါ်အောင်ဆန်းစုကြည်

0

Leave a Reply

Your email address will not be published.