ဒုက္ခသည်ဘင်္ဂါလီများအတွက် မည်သည့်နေတိုးပုံစံ Safe Zone သတ်မှတ်ရေးမဆို မဖြစ်နိုင်ဟု ဗြိတိန်သုံးသပ်

( စက်တင်ဘာ- ၂၃၊ ၂၀၁၉ ) 
((( Dhaka Tribune., September 23rd, 2019, “Rohingya repatriation: UK welcomes Chinese initiative.” ကို HtayOung, OungMarine ဆီလျှော်အောင် ကောက်နှုတ်ဘာသာပြန်ဆိုသည်။ )))

အရေအတွက် သိန်းချီသော ဒုက္ခသည်ဘင်္ဂါလီ ( မူရင်းရိုဟင်ဂျာဟုဖော်ပြ ) များ မြန်မာနိုင်ငံ ရခိုင်ပြည်နယ်သို့ လုံခြုံ-ဘေးကင်း-သိက္ခာရှိစွာနေရပ်ပြန်ရေးအတွက် တရုတ်နိုင်ငံ၏ ကြိုးစားအားထုတ်မှုကို ဗြိတိန်နိုင်ငံက ကြိုဆိုလိုက်ပြီး ဒုက္ခသည်ဘင်္ဂါလီများအတွက် Safe Zone သတ်မှတ်ရေး မဖြစ်နိုင်ကြောင်း ပြောဆိုသည်ဟု Dhaka Tribune က ယနေ့ရေးသားသည်။

ဒုက္ခသည်အကြပ်အတည်းတွင် မြန်မာအပေါ် သြဇာအရှိန်အ၀ါကြီးသည့် တရုတ်က အပြုသဘောဆောင်သည့် အနေအထားဖြင့် ပိုမိုနီးကပ်စွာဆွေးနွေး ပြောဆိုသည်ကို မြင်တွေ့ရသည့်အတွက် တိုးတက်သည့် လက္ခဏာကောင်းတစ်ရပ်ဟု ကျွန်ုပ်တို့ သုံးသပ်မိကြောင်း ဘင်္ဂလားဒက်ရ်ှနိုင်ငံဆိုင်ရာ ဗြိတိန်သံအမတ်ကြီး ရောဘတ်ဒစ်ဆင်က ပြောကြားသည်ဆို၏။

ဒုက္ခသည်ဘင်္ဂါလီအရေးတွင် တရုတ်၏ Plan B ကို ကျွန်ုပ်တို့ မသိရသော်လည်း အခြားသော နိုင်ငံများလည်း အကြပ်အတည်းအတွက် အဖြေရှာကြရမည်ဖြစ်ကြောင်း၊ ထို့ကြောင့် တရုတ်နိုင်ငံက နီးကပ်စွာဆောင်ရွက်လာခြင်းကို လှိုက်လှဲစွာ ကြိုဆိုရမည်ဖြစ်ကြောင်း၊ အခြားသောနိုင်ငံတိုင်းကလည်း တရုတ်နည်းတူ အဖြေရှာရေးပါ ၀င်လာနိုင်ကြောင်း ဒါကာမြို့ သံအမတ်ကြီးနေအိမ်၌ ပြုလုပ်သော မီဒီယာတွေ့ဆုံပွဲ၌ ရောဘတ်ဒစ်ဆင်က ပြောဆိုကြောင်း သိရှိရသည်။

မြန်မာနိုင်ငံအပေါ် နိုင်ငံရေးအပါအ၀င် နည်းလမ်းပေါင်းစုံဖြင့် ဆက်လက်ဖိအားပေးရမည်ဖြစ်ကြောင်း၊ သို့သော် ဘောစနီးယားဟာဇီဂိုဗီးနားနှင့် ကိုဆိုဗိုကဲ့သို့ ဒုက္ခသည်ဘင်္ဂါလီများအတွက် နေတိုးပုံစံ မည်သည့် “ Safe Zone “ မဆို သတ်မှတ်ရန်မှာ၊ အခြေအနေအရ မှန်ကန်ခြင်းမရှိကြောင်း သတင်းထောက်များ မေးခွန်းကို သံအမတ်ကြီးက ဖြေကြားသည်။

ဒုက္ခသည်ဘင်္ဂါလီများအပေါ် ဖိနှိပ်ရက်စက်ခြင်းအတွက် တာဝန်ယူ တာဝန်ခံမှုနှင့် ပတ်သက်၍ နိုင်ငံများစွာတို့က တာဝန်ရှိသူတို့အပေါ် ပိတ်ဆို့အရေးယူမှု ပြဋ္ဌာန်းခဲ့ပြီးဖြစ်ကြောင်း၊ တာဝန်ရှိသူများကို ကျွန်ုတို့ လေ့လာလျှက်ရှိကြောင်း၊ ဒုက္ခသည်ဘင်္ဂါလီများ နေရပ်ပြန်ကြရလိမ့်မည်ဟု ကျွန်ုတို့ အကောင်းမြင်ယုံကြည်ကြောင်း၊ စက်တင်ဘာ ၁၇-ရက်နေ့မှ စတင်ကျင်းပလျှက်ရှိသည့် ၇၄ ကြိမ်မြောက် ကုလသမဂ္ဂအထွေထွေညီလာခံတွင် ဒုက္ခသည်ဘင်္ဂါလီအကြပ်အတည်းမှာ အဓိက ဆွေးနွေးပြောဆိုကြမည်ဖြစ်ကြောင်း ဖြေဆိုသည်။

ဒုက္ခသည်များအား အကူပေးရေး NGO များသည် တာဝန်ယူ-တာဝန်ခံမှုနှင့် ပွင့်လင်းမြင်သာမှုရှိကြရမည်ဖြစ်ကြောင်း မီဒီယာတွေ့ဆုံပွဲတက်ရောက်သူ ဘင်္ဂလားဒက်ရ်ှနိုင်ငံဆိုင်ရာ နိုင်ငံတကာဖွံ့ဖြိုးရေးအေဂျင်စီ DFID ဥက္ကဋ္ဌက ပြောဆိုသည်။ သံအမတ်ကြီးကမူ NGO တို့၏ လှုပ်ရှားဆောင်ရွက်မှုမှန်သမျှကို သက်ဆိုင်ရာအစိုးရ က သိပိုင်ခွင့်ရှိကြောင်း ပြောကြားသည်။

1+

Leave a Reply

Your email address will not be published.