ဒုက္ခသည်ဘင်္ဂါလီများ ဘေးအန္တရာယ်ကင်းရှင်းရေး ဥရောပ ၄-နိုင်ငံ ဦးဆောင်မစ်ရှင်က နည်းလမ်းရှာဖွေမည်ဟုဆို။

ဒုက္ခသည်ဘင်္ဂါလီ ( မူရင်းရိုဟင်ဂျာဟုဖော်ပြ ) များ ဆန္ဒအလျှောက်၊ ဘေးကင်း၍ ဂုဏ်သိက္ခာရှိစွာဖြင့် ရေရှည်တည်တန့်မည့် နေရပ်ပြန်ရေးဖြစ်ထွန်းရန်အတွက် နိုင်ငံတကာပူးပေါင်းမှုဖြင့် ဒိန်းမတ်၊ နော်ဝေ၊ ဆွီဒင်နှင့် ဆွစ်ဇာလန် ဥရောပ ၄-နိုင်ငံဦးစီးသည့် မစ်ရှင်အဖွဲ့က နည်းလမ်းရှာဖွေမည်ဖြစ်ကြောင်း ပူးတွဲသတင်းထုတ်ပြန်သည်ဟု Dhaka Tribune က ယနေ့ရေးသားသည်။

 ဒုက္ခသည်ဘင်္ဂါလီများ ဘေးကင်းစိတ်ချစွာ နေထိုင်နိုင်ရေးအတွက် စခန်းများတည်ရာ ကော့ခ်ဘဇားဧရိယာတစ်ဝှိုက် ဘေးကင်းလုံခြုံရေးကို ဦးဆောင်တောင်းဆိုလိုက်သည်။ နိုင်ငံတကာအသိုင်းအဝိုင်းအနေဖြင့်လည်း မြန်မာနိုင်ငံအား ဖြစ်နိုင်သည့် အခြေအနေအဆင့်သို့ ရောက်ရှိရေး မေးမြန်းပူးပေါင်းလုပ်ဆောင်ကြရန် ကော့ဘဇားသို့ သွားရောက် လေ့လာခဲ့သော ၄-နိုင်ငံ သံအမတ်ကြီးတို့က ဆော်သြလိုက်သည်။  

ဘင်္ဂလားဒက်ရှ်အစိုးရ၊ ဘင်္ဂလားပြည်သူများနှင့် ကောခ်ဘဇားဒေသခံတို့၏ လူစားချင်းစာနာမှုစိတ်ဓါတ်ကို လေးစားအသိအမှတ်ပြုပါကြောင်း၊ ကုလသမဂ္ဂ၊ NGO,INGO တို့သည် အကြပ်အတည်းအား အသက်သာဆုံးနှင့် လျှော့နည်းစေရန် အကောင်းဆုံးကူညီလျှက်ရှိကြောင်း သံအမတ်ကြီးများက ဆက်လက်ပြောဆိုသည်။ 


(( ဥရောပ ၄-နိုင်ငံသံအမတ်ကြီးများ၏ ဒုက္ခသည်များအပေါ် လူသားချင်းစာနာကူညီလိုစိတ်မှာ လေးစားဖွယ်ဖြစ်ပါ၏။ သို့သော် ကမ္ဘာအရပ်ရပ်တွင် အကူအညီပေးရေး NGO, INGO အချို့မှာ ဆိုးရွားစွာ နာမည်ပျက်လျှက်ရှိပြီး ဒေသခံများ၏ ရွံ့ရှာမုန်းတီးခြင်းခံရပါသည်။ အာဖဂန်-ပါကစ္စတန်နယ်စပ်တွင် NGO တို့အား လူထုက အော့နှလုံးနာပုံမှာ မိန်းမချင်း ဆဲလိုလျှင် “ ညည်းက NGO မ ပဲ “ ဟု ဆဲလေ့ရှိကြောင်း နိုဘယ်ဆုရှင် မာလာလာယူဆွတ်ဇိုင်၏ “ I am Malala “ တွင် ဖတ်ရှု့နိုင်ပါသည်။ 

အကူအညီပေးရေးအေဂျင်စီအချို့မှ ဝန်ထမ်းအချို့သည် အကောင်းစားဟိုတယ်ကြီးများတွင် ရုံးခန်းဖွင့်လှစ်နေထိုင်ကြပြီး၊ ဇိမ်ခံကားများ ငှားရမ်းစီးနင်းနေကြသည်၊ ၎င်းတို့၏လုပ်ငန်းအသုံးစရိတ်မှာ အကူအညီပေးအပ်သည့် ပမာဏနှင့် နှိုင်းယှဉ်လျှင် ကြီးမားလွန်းနေသည်ဟု ဘင်္ဂလားဒက်ရှ် Watch dogs များက ထောက်ပြ ဝေဖန်ကြပါသည်။ 

လွန်ခဲ့သည့် သြဂုတ်လ ၂၂-ရက်နေ့ မြန်မာနိုင်ငံသို့ နေရပ်ပြန်ရေး ဒုတိယအကြိမ်ပျက်ပြားပြီးနောက် ဒုက္ခသည် ဘင်္ဂါလီများ နေရပ်မပြန်ဖြစ်အောင် NGO, INGO အချို့က သွေးထိုးစည်းရုံးနေသည်ဟု ဘင်္ဂလားဒက်ရှ်အစိုးရက စွပ်စွဲခဲ့သည်။ သြဂုတ်လ ၂၅-ရက်နေ့ အူခီယာဒုက္ခသည်စခန်းတွင် ဒုက္ခသည်ဘင်္ဂါလီတို့ လူထုအစည်းအဝေးပြု လုပ်ရာ၌ သက်ဆိုင်ရာအာဏာပိုင်များထံ ခွင့်ပြုချက် ရယူခြင်းမရှိကြောင်း ပြစ်တင်ခဲ့သည်။ 

ထိုလူထုအစည်းအဝေးတွင် အထင်ပေါ်ဆုံးသူမှာ ဖိနှပ်ရက်စက်မှု့ကြောင့် မြန်မာနိုင်ငံမှ ထွက်ပြေးလာရသည်ဆိုသူ ဘင်္ဂါလီဒုက္ခသယ် မိုဟီဘူလာ ( မူဟစ်အူလာ) ဖြစ်သည်။ငြိမ်းချမ်းရေးနှင့် လူ့အခွင့်ရေးဆိုင်ရာ အာရကန်ဒုက္ခသည်ဘင်္ဂါလီအသင်း၏ ဥက္ကဋ္ဌဖြစ်သူ မိုဟီဘူလာသည် ဇူလိုင်လတွင် အမေရိကန်သမ္မတ ဒေါ်နယ်ထရမ့်နှင့် တွေ့ဆုံ၍ ဘင်္ဂါလီများအပေါ် ရက်စက်ဖိနှိပ်မှုအကြောင်း ပြောကြားခဲ့သူအဖြစ် လူသိများသည်။ နှစ်ပြည့်အထိန်းအမှတ်ပွဲသည် အယ်လ်ကိုင်ဒါအကြမ်းဖက်အဖွဲ့အစည်းနှင့် ဆက်နွယ်သော ပါကစ္စတန် အခြေစိုက် အယ်လ်ခစ်မက်ဖောင်ဒေးရှင်း Al-Khidmat Foundation က ဦးဆောင်စီစဉ်ပေးခဲ့ပြီး စင်ပေါ်တက်ခဲ့ သူ မိုဟီဘူလာ ( မူဟစ်အူလာ) သည် ၎င်းတို့လေ့ကျင့်ပေးထားသော အကြမ်းဖက်သမားဖြစ်သည်ဟု အိန္ဒိယမီဒီယာများ ဝေဖန်ပါသည်။ 

ဒုက္ခသယ်ဘင်္ဂါလီတို့က နိုင်ငံသားဖြစ်ခွင့်တောင်းဆိုခြင်းမှာ မြန်မာနိုင်ငံပြန်ရောက်မှ တောင်းဆိုရမည့် အလုပ် ဖြစ်ပြီး ဘင်္ဂလားဒက်ရှ်မြေပေါ်မှ တောင်းဆိုနေခြင်းသည် မိမိနိုင်ငံအား ဓါးစာခံလုပ်ရာရောက်သည်ဟု နိုင်ငံခြားရေးဝန်ကြီး အေကေ အဗ္ဗဒူရာမန်က ပြောဆိုသည်။ NGO, INGO တို့ စည်းကမ်းသတ်မှတ်ချက်များအား ဖောက်ဖျက်လျှင် အရေးယူမည် ဖြစ်ကြောင်း အဗ္ဗဒူမိုမန်က သတိပေးထားပါသည်။ 

ဘင်္ဂလားဒက်ရှ်အစိုးရသည် RRRC မှ အူခီယာနယ်မြေ ကူတူပါလောင်ဒုက္ခသယ်စခန်းအမှတ် X-4 ၏ တာဝန်ခံကြီးကြပ်ရေးမှူးကို အလုပ်ဖြုတ်လိုက်ပြီး RRRC မဟာမင်းကြီးအား တာဝန်မှ ပြောင်းရွှေ့လိုက်သည်။ လျှို့ဝှက်စွာ ကူညီသည်ဟု NGO ၂-ခုအား ပိတ်သိမ်းလိုက်ပြီး အခြားအဖွဲ့အစည်းများအားစစ်ဆေးလျှက်ရှိစဉ် NGO ၄၁-ခုမှာ လုပ်ငန်းရပ်ဆိုင်း၍ ထွက်ခွာသွားကြသည် ။   
ထိုရက်ပိုင်းတွင် ဒုက္ခသယ်စခန်း၌ ခိုလှုံနေသူ လူဆိုးဂိုဏ်း ( ARSA သို့မဟုတ် RSO ဖြစ်ပုံရ ) တို့က တက္ကနဖ်ဒေသခံ လူငယ်ခေါင်းဆောင် အိုမာဖာရွတ်အား ဖမ်းဆီးသတ်ဖြတ်သဖြင့် နယ်သူနယ်သားတို့ ဒေါသူပုန် ထဆဲဖြစ်ရာ သည်တစ်ကြိမ် အိန္ဒိယမီဒီယာများက ရှိတ်ဟာစီနာအစိုးရအား ထောင်းရာတွင် ဘင်္ဂါလီဘာသာဖြင့် ထုတ်ဝေသော ပြည်တွင်းသတင်းစာများပါ တစ်ပျော်ကြီး ဆွမ်းကြီးလောင်းနေကြသည်။ 

ဒုက္ခသည်စခန်းအား သံဆူးကြိုးကာရံရေး၊ CCTV လုံခြုံရေးကင်မရာများ တပ်ဆင်ရေး၊ ဘင်္ဂလီဒုက္ခသယ်များ တရားမဝင် SIMs အသုံးပြုမှု ဖျယ်ရှားရေးနှင့် ဝေးလံခေါင်ဖျား ဘာဆန်ကျွန်းသို့ ဒုက္ခသည် တစ်သိန်းရွှေ့ပြောင်းရေးကို ရွေးကောက်ပွဲ နီးကပ်လာပြီဖြစ်သော ရှိတ်ဟာစီနာအစိုးရက လုပ်ဆောင်လျှက်ရှိသည်။  

ထိုအချိန်တွင် ဥရောပ ၄-နိုင်ငံဦးဆောင်သော မစ်ရှင်အဖွဲ့ ပေါ်ပေါက်လာခြင်းဖြစ်သည်။      ။ သတင်းဘာသာပြန်သူ ) 

( စက်တင်ဘာ – ၂၇၊ ၂၀၁၉ ) ((( Dhaka Tribune., 27 Sept., 2019, “ 4 countries seek safety of Rohingyas in Cox’s Bazar.” ကို #HtayOung, #OungMarine ဆီလျှော်အောင် ကောက်နှုတ်ဘာသာပြန်ဆိုသည်။ )))
https://www.dhakatribune.com/bangladesh/rohingya-crisis/2019/09/27/4-countries-seek-safety-of-rohingyas-in-cox-s-bazar-2 

7+

2 Replies to “ဒုက္ခသည်ဘင်္ဂါလီများ ဘေးအန္တရာယ်ကင်းရှင်းရေး ဥရောပ ၄-နိုင်ငံ ဦးဆောင်မစ်ရှင်က နည်းလမ်းရှာဖွေမည်ဟုဆို။”

Leave a Reply

Your email address will not be published.