ဒုက္ခသည်ဘင်္ဂါလီပြဿနာ အဖြေရှာရေး ကုလသမဂ္ဂအထွေထွေညီလာခံ၌ ရှိတ်ဟာစီနာ အချက် ၄-ချက်တင်ပြတောင်းဆို



အီလေးဆွဲလျှက်ရှိသော ဒုက္ခသည်ဘင်္ဂါလီ ( မူရင်းရိုဟင်ဂျာဟုဖော်ပြ ) အကြပ်အတည်းအား ကာလရှည်တည်တန့် သော အဖြေရရှိရေးကို ရည်ရွယ်လျှက် လက်ရှိကျင်းပနေသေည့် ၇၄-ကြိမ်မြောက် ကမ္ဘာ့ကုလသမဂ္ဂအ ထွေထွေညီလာခံသို့ ဝန်ကြီးချုပ်ရှိတ်ဟာစီနာက အချက် ၄-ချက် ချမှတ်ပေးရန် တင်ပြတောင်းဆိုလိုက်သည်ဟု ဘင်္ဂလား အခြေစိုက် The Daily Star က ယနေ့ရေးသားသည်။ 

  
ကျွနု်ပ်အနေနှင့် အောက်ပါအတိုင်း ဆောင်ရွက်စေလိုသည်များကို အထွေထွေညီလာခံကြီး၌ ထပ်လောင်း တောင်းဆိုလိုပါကြောင်း .. အစချီလျှက် 


( ၁ ) ဒုက္ခသည်ဘင်္ဂါလီများ မြန်မာနိုင်ငံသို့ ပြန်ရေးနှင့် သဟဇာတဖြစ်ရေး အတွက် ရေရှည်တည်မြဲသော အစီအစဉ်ဖြင့် ရှင်းလင်းသောနိုင်ငံရေးဆန္ဒရှိကြောင်း မြန်မာနိုင်ငံက ကြေညာပေးပေးရန်။


( ၂ ) မြန်မာနိုင်ငံက ခွဲခြားဆက်ဆံသော ဥပဒေ၊ လုပ်ထုံးလုပ်နည်းများကို စွန့်လွှတ်၍ ဒုက္ခသည်ဘင်္ဂါလီကိုယ်စားလှယ်များအား ရခိုင်ပြည်နယ်မြောက်ပိုင်းသို့ သွားရောက်ကြည့်ရှု့ခွင့်ပြုခြင်းအားဖြင့် ဘင်္ဂါဘီဒုက္ခသည် များနှင့် ယုံကြည်မှု့တည်ဆောက်ရန်။

  
( ၃ ) ရခိုင်ပြည်နယ်တွင် နိုင်ငံတကာအသိုင်းအဝန်းတို့မှ အရပ်ဖက်စောင့်ကြည့်စစ်ဆေးသူများ မြန်မာနိုင်ငံက ချထားခွင့်ပြုခြင်းအားဖြင့် အခြားသောဒေသခံများအလည်တွင် ဒုက္ခသည်ဘင်္ဂါလီများအတွက် လုံခြုံ၍ဘေးကင်းကြောင်း အာမခံချက်ပေးရန်။


( ၄ ) ဒုက္ခသည်ဘင်္ဂါလီတို့အပေါ် ရက်စက်ရာရောက်သော ရာဇဝတ်မှုများဖြစ်ပွားရခြင်းအကြောင်းရင်းပြဿနာတို့ကို နိုင်ငံတကာအသိုင်းအဝိုင်းတို့က ရှာဖွေဖော်ပြရန်နှင့် OIC အဆိုပြုသော နိုင်ငံတကာတရားရုံး ICJ ၏ အခန်းကဏ္ဍအမှန်တကယ်လိုအပ်ပြီး အဓိပ္ပါယ်ပြည့်ဝစွာဆက်လက်ဆောင်ရွက်ရန်။


မြန်မာနိုင်ငံ ဒုက္ခသည်ဘင်္ဂါလီလူမျိုးစုများအတွက် ဘင်္ဂလားဒက်ရှ်ဝန်ကြီးချုပ်က အင်္ဂါနေ့မွန်းလွဲပိုင်းတွင် ထိုသို့တင်ပြကြေညာလိုက်သည်ဟု သတင်း၌ဖော်ပြသည်။ 

  
ကျင်းပလျှက်ရှိသော ကုလသမဂ္ဂအထွေထွေညီလာခံကြီး၌ OIC အထွေထွေအတွင်းရေးမှူးများနှင့်အတူ ကုလသမဂ္ဂဆိုင်ရာ အမြဲတန်းကိုယ်စားလှယ်များလည်း တက်ရောက်သည်။

( စက်တင်ဘာ – ၂၅၊ ၂၀၁၉ ) ((( The Daily Star., September 25, 2019, “PM to place 4-point proposal at UN to solve Rohingya crisis.” ကို #HtayOung, #OungMarine ဆီလျှော်အောင်ကောက်နှုတ်တင်ပြသည်။ ))) 

 https://www.thedailystar.net/rohingya-crisis/news/pm-place-four-point-proposal-un-solve-rohingya-crisis-1805041

5+

Leave a Reply

Your email address will not be published.