မလေးရှားဝန်ကြီးချုပ် မဟာသီယာမိုဟာမက် ရာထူးမှ နှုတ်ထွက်ရန် ဘုရင်မင်းမြတ်ထံ စာလွှာပေးပို့။ အန်နဝါအီဗရာဟင်မပါပဲ အစိုးရသစ်ဖွဲ့စည်းရန် အားထုတ်လျှက်ရှိကြောင်း နိုင်ငံရေး ပြက်လုံးများ ထွက်ပေါ်အပြီး မဟာသီယာဆုံးဖြတ်ဟု ဆို

တနင်္လာနေ့ မလေးရှားနိုင်ငံတွင် မဟာသီယာမိုဟာမက်က ၎င်းအနေဖြင့် ဝန်ကြီးချုပ်ရာထူးမှ နှုတ်ထွက်မည်ဟု ကြေညာကြောင်း၊ အန်နဝါအီဗရာဟင်မပါပဲ အစိုးရသစ်ဖွဲ့စည်းရန် အားထုတ်လျှက်ရှိသည်ကို ရက်သတ္တပတ်ကြာမျှ နိုင်ငံရေး ပြက်လုံးများ ထွက်ပေါ်အပြီး မဟာသီယာက ယခုကဲ့သို့ ဆုံးဖြတ်ခြင်းဖြစ်သည်ဟု Al Jazeera က ယနေ့ရေးသားသည်။

 မလေးရှားဘုရင်မင်းမြတ်ထံ တင်သွင်းသည့် မဟာသီယာ၏ ရာထူးမှ နှုတ်ထွက်မည်ဖြစ်ကြောင်း အကြောင်းကြားစာတွင် စာကြောင်း ၂-ကြောင်းသာပါရှိသည်ဟု သိရှိရပြီး မွန်းလွဲ ၁-နာရီ၌ သတင်းထုတ်ပြန်ခြင်းဖြစ်ကြောင်း သိရှိရသည်။ မဟာသီယာ၏ “ပါတီပရီဘူမိဘာဆန်တူပါတီ” သည်လည်း မလေးရှားလက်ရှိညွန့်ပေါင်း “ပါကတ်တန်ဟာရာပန်” အစိုးရမှ နှုတ်ထွက်ကြမည်ဖြစ်ကြောင်း ပါတီဥက္ကဌ က ၎င်း၏ လူမှု့ကွန်ရက်စာမျက်နှာ၌ ရေးသားသည်။

မလေးရှားနိုင်ငံရေးလောကတွင် ပြင်းထန်သော အခြေအတင် ငြင်းခုန်မှုများဖြစ်ပေါ်ခဲ့ပြီးနောက် မဟာသီယာ၏ပါတီက အန်နဝါအီဗရာဟင်မပါပဲ အစိုးရသစ်ဖွဲ့စည်းရန် စီစဉ်လျှက်ရှိသည်ဟု တနင်္ဂနွေညပိုင်း၌ သတင်းထွက်ပေါ်ခဲ့သည်။

မလေးရှားနိုင်ငံ၏ အထင်ရှားဆုံးသော နိုင်ငံရေးသမားများဖြစ်ကြသည့် မဟာသီယာ ၉၄-နှစ် နှင့် ပြိုင်ဖက်ဟောင်း အန်နဝါအီဗရာဟင် ၇၂-နှစ်တို့အကြား ကာလရှည် နိုင်ငံရေး နပမ်းလုံးပွဲများအပြီး ယခုကဲ့သို့ မဟာသီယာနှုတ်ထွက်သည်ဆိုခြင်းမှာ နောက်ဆုံး နိုင်ငံရေးကစားကွက်တစ်ခုဖြစ်ကြောင်း သတင်း၌ ဆက်လက်ရေးသားသည်။

((( Al Jazeera., 24 Feb. 2020,” Malaysia’s Mahathir submits resignation to king.” #HtayOung, #OungMarine ဆီလျော်အောင် ကောက်နှုတ်ဘာသာပြန်ဆိုသည်။ )))

#မဟာသီယာမလေးရှားဝန်ကြီးချုပ်ရာထူးမှနှုတ်ထွက် #အန်နဝါအီဗရာဟင်

https://www.aljazeera.com/news/2020/02/malaysia-mahathir-turns-resignation-reports-200224054737676.html?fbclid=IwAR1nBbaqbVV6bCxyYPhEzDCV0LHKmmXAmW2DzDs7i2eXsofaVsbyqH16Tt0

0

Leave a Reply

Your email address will not be published.