လုံခြုံဘေးကင်းပြီး ရေရှည်တည်တန့်မည့်နည်းလမ်းဖြင့် ဒုက္ခသည်ဘင်္ဂါလီများ အမြန်ဆုံး နေရပ်ပြန်နိုင်ခြင်းသည် အားလုံးအတွက် အကောင်းဆုံးဖြစ်မည်ဟု အိန္ဒိယ ဆို။ ဒုက္ခသည်များအား တတိယနိုင်ငံတို့က နေထိုင်ခွင့်ပေးခြင်းဖြင့် ဝန်ထုတ်ဝန်ပိုးများကို မျှဝေယူစေလိုဟု ဘင်္ဂလားဒက်ရှ်ပြော။ နိုင်ငံမဲ့ မွတ်စလင်များနှင့် အိန္ဒိယ-ဘင်္ဂလားဒက်ရှ်

ဒုက္ခသည်ဘင်္ဂါလီများ ( မူရင်း ရိုဟင်ဂျာဟုဖော်ပြ ) အတွက် လိုအပ်သည်မှာ လုံခြုံဘေးကင်းပြီး ရေရှည်တည်တန့်မည့် နည်းလမ်းဖြင့် အမြန်ဆုံး နေရပ်ပြန်နိုင်ရေးဖြစ်၍ အားလုံးအတွက် အကောင်းဆုံးဖြစ်သည်ဟု ခံစားနားလည်မိကြောင်း အိန္ဒိယပြည်ပရေးရာဝန်ကြီးက ပြောဆိုသည်ဟု ဘင်္ဂလားအခြေစိုက် Ukhiya News ( English ) က ယမန်နေ့ရေးသားသည်။

ဘင်္ဂလားဒက်ရ်ှ နိုင်ငံခြားရေးဝန်ကြီးဒေါက်တာ အေကေအဗ္ဗဒူမိုမန်ထံသို့ အိန္ဒိယပြည်ပရေးရာဝန်ကြီး ဒေါက်တာဆူဗရာမန်ယန်ဂျေရှန်ကာက စာရေးသားပေးပို့ရာတွင် ဒုက္ခသည်ဘင်္ဂါလီများ အမြန်ဆုံးနေရပ်ပြန်ရန် အိန္ဒိယ၏ ထင်မြင်ချက်ကို ဖော်ပြထားပြီး ဒုက္ခသည်များအား နိုင်ငံအတွင်း ခိုလှုံခွင့်ပေးသည့်အတွက် ဘင်္ဂလားဒက်ရ်ှ၏ ရက်ရောမှုနှင့် လူသားမျိုးနွယ်အပေါ် တန်ဖိုးထားမှုတို့ကို အလွန် လေးစားမိပါကြောင်း ဖော်ပြထားသည်။

ထို့ပြင် ကိုရိုနာဗိုင်းရပ်စ် ကပ်ရောဂါ၏ စိန်ခေါ်မှုများကိုကျော်လွှားရန် အိန္ဒိယအနေဖြင့် ဘင်္ဂလားဒက်ရ်ှအစိုးရနှင့် ၎င်း၏ပြည်သူလူထုတို့နှင့်အတူ ရပ်တည်မည်ဖြစ်ကြောင်း၊ နှစ်နိုင်ငံအကြား ပူးပေါင်းဆောင်ရွက်မှုတို့မှာ ဖွံ့ဖြိုးတိုးတက်လျှက် ဆက်လက်တည်ရှိနေမည်ဖြစ်ကြောင်း ထပ်လောင်းကတိပြုလိုက်သည်။

ရက်စက်ဖိနှိပ်မှုခံစားနေရသော ဒုက္ခသည်ဘင်္ဂါလီများအား ပိုမိုကောင်းမွန်သော ဘဝရပ်တည်မှုအနေအထား ဖြင့် ၎င်းတို့၏ မူလနိုင်ငံတွင် ပြန်လည်နေထိုင်စေရေး သို့မဟုတ် တတိယနိုင်ငံများက အခြေချနေထိုင်ခွင့်ပြု ခြင်းဖြင့် ဝန်ထုပ်ဝန်ပိုးများကို မျှဝေယူကြစေရန် ဘင်္ဂလားဒက်ရှ်က ဆန္ဒရှိသည်။

မကြာသေးမီက နိုင်ငံခြားရေးဝန်ကြီး အဗ္ဗဒူမိုမန်၏ ပြောဆိုချက်တွင် ဒုက္ခသည်ဘင်္ဂါလီများအား ပြန်လည်လက်ခံမည်ဟု မြန်မာက သဘောတူညီခဲ့သည်မှာ ၃-နှစ်နီးပါး ကြာမြင့်ပြီဖြစ်သော်လည်း တရားဝင်နေရပ်ပြန်သူ တစ်ဦးတစ်ယောက်မျှ မရှိသေးကြောင်း ပါရှိသည်။

ယခုအခါ ဘင်္ဂလားဒက်ရှ်သည် ကော့ခ်ဘဇားခရိုင်တွင် ဒုက္ခသည်ဘင်္ဂါလီ ၁.၁ သန်းကျော်ကို လက်ခံထားရပြီး အများစုမှာ မြန်မာနိုင်ငံရခိုင်ပြည်နယ်တွင် မြန်မာ့တပ်မတော်၏ ဖြိုခွင်းနှိမ်နင်းမှုများကြောင့် ၂၀၁၇ ခုနှစ် သြဂုတ်လ ၂၅ ရက်မှစ၍ ဘင်္ဂလားဒက်ရှ်နိုင်ငံအတွင်းသို့ ဝင်ရောက်လာခဲ့ကြသူများဖြစ်သည်။

(( ယခုသတင်းပါအတိုင်း ဘင်္ဂလားဒက်ရှ်အစိုးရနှင့် ၎င်းတို့ မီဒီယာများ ပြောဆိုကြသည့် ဒုက္ခသည်ဘင်္ဂါလီအရေအတွက်မှာ ၁. ၁ သန်းကျော်ဖြစ်သည်။ သို့သော် ကုလသမဂ္ဂ၏ စာရင်းအရ ၂၀၁၇-ခုနှစ် သြဂုတ်လ ၂၅ ရက်နေ့နောက်ပိုင်း ဘင်္ဂလားဒက်ရှ်နိုင်ငံအတွင်း ထွက်ပြေးလာသူ ၇၂၃,၀၀၀ ကျော်ဖြစ်သည်။ ( Emirates 24/7 ., Dec. 27, 2017 )

၂၈-ရက် စက်တင်ဘာ ၂၀၁၈ ။ ၇၃-ကြိမ်မြောက် ကုလသမဂ္ဂအထွေထွေညီလာခံတွင် ဝန်ကြီးချုပ် ရှိတ်ဟာစီနာ တင်ပြသည့် ၎င်းနိုင်ငံရောက် ဒုက္ခသည်ဘင်္ဂါလီအရေအတွက်မှာ ၁.၁ သန်းဖြစ်နေပြီး ၂၀၁၇-ခုနှစ်မတိုင်မီ ဘင်္ဂလားဒက်ရှ်သို့ ရောက်ရှိနေသည်ဆိုသူများပါ ထည့်ပေါင်းထားခြင်းဖြစ်သည်။ ( Fox News., Sept. 27, 2018 )

ဘင်္ဂလားဒက်ရှ်ရောက် ဒုက္ခသည်ဘင်္ဂါလီများအား UNHCR က ထုတ်ပေးထားသည့် လက်မှတ်တွင် လူမျိုးအမည်မပါရှိပဲ မြန်မာနိုင်ငံက ထွက်ခွာလာသူများအဖြစ်သာ ဖော်ပြခြင်းမှာ ကုလသမဂ္ဂထုံးစံဖြစ်သည်။

ထို့အပြင် ယမန်နှစ် ဘင်္ဂလားဒက်ရှ်မီဒီယာများရေးသားချက်အရ ကော့ခ်ဘဇားရှိ ဒုက္ခသည်ဘင်္ဂါလီအရေအတွက်မှာ ကွဲလွဲချက်များရှိနေသည်။ လှေစီးပြေးအဖြစ်၎င်း၊ လူကုန်ကူးခံရ၍၎င်း၊ နိုင်ငံကူးလက်မှတ်အတုဖြင့် အခြားနိုင်ငံများသို့ ထွက်ခွာသွားသူ အများအပြားရှိနေသည်။ သို့သော် ရိုဟင်ဂျာလူမျိုးအမည်နှင့် မဟုတ်ပါ။ ဘင်္ဂလားဒက်ရှ်၏ တရားဝင်လူမျိုးတွင် ရိုဟင်ဂျာ မရှိ၍ ဘင်္ဂါလီလူမျိုးအဖြစ် ပတ်စ်ပို့အတု ကိုင်ဆောင် ထွက်ခွာခဲ့ကြောင်း သိရှိရသည်။

မြန်မာသည် အဆိုပါအရေအတွက်နှင့် ပတ်သက်၍ တစ်စုံတစ်ရာပြောဆိုခြင်းမရှိသော်လည်း မြန်မာပြည်တွင်းမှ ထွက်ခွာသွာကြောင်း အထောက်အထား ပြသနိုင်သူ/ အကြမ်းဖက်ရာဇဝတ်မှုများတွင် ပါဝင်ပတ်သက်ခဲ့ဖူးသူ မဟုတ်လျှင် စိစစ်လက်ခံမည်ဟု ပြောဆိုခဲ့သည်။

ယခု ဘင်္ဂလားဒက်ရှ်နှင့် အိန္ဒိယနိုင်ငံခြားရေးဝန်ကြီးတို့ ပြောဆိုချက်များမှာ နောက်ခံအကြောင်း များစွာရှိနေသည်။

လွန်ခဲ့သည့် နှစ်တွင် အိန္ဒိယ၌ နိုင်ငံသားစစ်ဆေးမှုပြုလုပ်ခဲ့ရာ အာသံပြည်နယ်တစ်ခုတည်း၌ပင် အထောက်အထားမဲ့ အစ္စလာမ်ဘာသာဝင်အများစု ၂-သန်းနီးပါးရှိနေသည်။ ဘင်္ဂလားဒက်ရှ်အရှေ့မြောက်ပိုင်းနှင့် ထိစပ်လျှက်ရှိသော ပြည်နယ်များတွင်လည်း ရှိနေပြီး အစ္စလာမ်ဘာသာဝင်အများစုနေထိုင်ရာ ပိုင်ဆိုင်မှုအငြင်းပွား ကက်ရှ်မီးယား အထိရောက်ရှိနေသူများ တွေ့ရှိနေရသည်။

၎င်းတို့အား အိန္ဒိယအစိုးရက နှင်ထုတ်မည် သို့မဟုတ် ပြန်ပို့မည်ဟု ပြောဆိုထာားပြီး ဘင်္ဂလားဒက်ရှ်ကလည်း ၎င်းနိုင်ငံသားဖြစ်ကြောင်းအထောက်အထားမပါလျှင် လက်မခံဟု ငြင်းပယ်ထားသည်။

လက်တွေ့တွင်လည်း ထိုသူအများစုမှာ စာမတတ်သူများဖြစ်ပြီး မည်သည့်အထောက်အထားမျှ ပြသနိုင်ခြင်းမရှိချေ။ ။ သတင်းဘာသာပြန်သူ )))

((( Ukhiya News., 08-07-2020, “Quick and safe Rohingya repatriation good for all: India.” ကို #HtayOung, #OungMarine ဆီလျော်အောင် ကောက်နှုတ်ဘာသာပြန်ဆိုသည်။ )))

#လုံခြုံဘေးကင်းပြီး_ရေရှည်တည်တန့်မည့်နည်းလမ်းဖြင့်_ဒုက္ခသည်ဘင်္ဂါလီများ_အမြန်ဆုံး _နေရပ်ပြန်စေရန်_အိန္ဒိယပြောဆို။ #ဒုက္ခသည်များအား_တတိယနိုင်ငံတို့က_နေထိုင်ခွင့်ပေးစေလိုဟု _ဘင်္ဂလားဒက်ရှ်ပြော

http://en.ukhiyanews.com/quick-and-safe-rohingya-repatriation-good-for-all-india/

https://www.emirates247.com/news/emirates/we-must-resolve-to-aid-all-refugees-2017-12-27-1.663327

https://www.foxnews.com/world/bangladesh-point-finger-at-myanmar-for-rohingya-genocide

https://www.dhakatribune.com/bangladesh/nation/2019/09/30/rohingya-nid-fraud-cec-claims-ec-not-at-fault

https://www.dhakatribune.com/bangladesh/rohingya-crisis/2019/05/29/16-point-recommendations-to-ensure-security-in-rohingya-camps

https://www.dhakatribune.com/world/south-asia/2019/01/20/bsf-denies-rohingya-pushback?fbclid=IwAR2dXyGnarzVnfJfsb96L3aNg0vcNRKQeow_3zcotUdjVlWDcpa3toH0rIc

https://www.dhakatribune.com/world/south-asia/2019/08/31/1-9mn-people-left-off-citizenship-list-in-india-s-assam-risking-statelessness

https://www.dhakatribune.com/world/south-asia/2019/08/30/assam-security-tight-for-indian-citizens-list-release

https://www.dhakatribune.com/world/south-asia/2019/08/31/assam-nrc-what-next-for-1-9m-people-left-out-of-the-register

0

Leave a Reply

Your email address will not be published.