ဝူဟန်အမေရိကန်သံရုံး မြေအောက်မှ ဇီဝအန္တရာယ်ရှိပစ္စည်းများ ဆိုသည်မှာ သတင်းအမှားဖြစ်ကြောင်း သေချာ။ ဖြုတ်ချသွားပြီဖြစ်သော မင်ဒရင်ဘာသာ သတင်းကို Google Translator ဖြင့် ဘာသာပြန်ဖော်ပြသည့် OpEdNews မှသတင်းလည်း အွန်လိုင်းမှ ဖယ်ရှားခံရ

ကိုရိုနာဗိုင်းရပ်စ်ကြောင့် သေဆုံး-ဖျားနာဦးရေ တစ်ရက်ထက် တစ်ရက် ပိုမိုတိုးမြင့်လာသဖြင့် ဗိုင်းရပ်စ်နှင့် ပတ်သက်၍ ကမ္ဘာသာမက မြန်မာ၌ပါ ရတက်မအေးဖြစ်ကြရသည်။ ထိုအခိုက် ယခုလ စောစောပိုင်းတွင် ဝူဟန် အမေရိကန်ကောင်စစ်ဝန်ရုံး မြေအောက်မှ Biohazard ဇီဝအန္တရာယ်ရှိပစ္စည်းများ တွေ့ရှိသည့်သတင်း ထွက်ပေါ်လာသည်။

အင်အားကြီးနိုင်ငံများအချင်းချင်း လူသိနည်းသော အဆင့်မြင့်လျှို့ဝှက်လက်နက် အသုံးပြုဟန်ရှိသည့်သတင်းမှာ အထူးသဖြင့် အိမ်နီးချင်းနိုင်ငံငယ်များအပါအဝင် ကမ္ဘာတစ်ဝှမ်းခုနစ်ရက်သားသမီးတို့အတွက် သတင်းကောင်း မဟုတ်ပါ။ ရောဂါပိုး ကူးစက်သေဆုံးလျှက်ရှိသည့်အပေါ် စိုးရိမ်ကြောက်ရွံသည့် “#အကြမ်းစားဒေါသစိတ်” တွင် သို့လော သို့လော ” #မောဟစိတ် ” ပါ ဖိစီးခြင်း ခံရတော့သည်။

တရုတ်အစိုးရပိုင် Xinhua ဆင်ဟွာမှ ပထမဆုံး မူရင်းသတင်းမှာ မင်ဒရင်ဘာသာဖြင့် ဖော်ပြထားခြင်းဖြစ်သည်ဆို၏။ ဟူဘေးပြည်နယ် ဗိုင်းရပ်စ်စွဲရောဂါကူးစက်ပျံ့နှံ့မှုကြောင့် သံတမန်များစွန့်ခွာသွားသော ဝူဟန်အမေရိကန်ကောင်စစ်ဝန်ရုံးအတွင်း သတင်းအရ တရုတ်ထောက်လှမ်းရေးတို့က ဝင်ရောက်ရှာဖွေသည်။ သံရုံးမြေ အောက်အနက် ၅ ပေခန့်အနက်တွင် Biohazard ခေါ် အန္တရာယ်ရှိ ဇီဝဗေဒဆိုင်ရာ ပစ္စည်းများတွေ့ရှိသည့် သတင်းဖြစ်ကြောင်း သိရှိရသည်။

ယခင်ရက်များ ကျွန်တော်ဖော်ပြခဲ့ဖူးသည့် ဘာသာပြန်သတင်းတစ်ပုဒ်တွင် ကိုရိုနာဗိုင်းရပ်စ်နှင့် ပတ်သက်၍ ဆန္ဒစောရာရောက်သည့် သတင်းအလွဲများ၊ ပညာပေးအမှားများကို လွှင့်တင်ဖြန့်ဝေမိရာတွင် ဂျာမနီ-အစ္စရေး စသည့် နိုင်ငံများပင်လျှင် ပါဝင်နေကြောင်း ဖော်ပြခဲ့သည်။ China Daily ကဲ့သို့ တရုတ်ကွန်မြူနစ်ပါတီအာဘော်မီဒီယာသာမက နိုင်ငံတစ်နိုင်ငံ၏ အစိုးရပိုင်သတင်းစာများ Daily Mail ကဲ့သို့ ထင်ရှားသည့် သတင်းစာကြီးပင်လျှင် မှားယွင်းမိရာ၌ ပါဝင်နေသည်။ ထိုအကြောင်းဖော်ပြသည့် ဆက်စပ် Links ၂၀ နီးပါးကိုလည်း ပူးတွဲ တင်ပြခဲ့ပါသည်။

သတင်းအတုနှင့် ကောလဟလတို့သည် ကိုရိုနာဗိုင်းရပ်စ်ထက် ပျံ့နှံ့မှု ပိုမိုလျှင်မြန်ပြီး အန္တရာယ်လည်း ပိုကြီးကြောင်း WHO က သတိပေးလျှက်ရှိပါသည်။

ဆင်ဟွာမှ မူရင်းဖော်ပြသည်ဆိုသော သံရုံးမြေအောက်မှ ဇီဝအန္တရာယ်ရှိပစ္စည်းများဆိုသည့်သတင်းမှာ လွှင့်တင်ပြီး နာရီအနည်းငယ်အကြာတွင် ပြန်လည်ဖြုတ်ချသွားခဲ့သည်။

မူရင်းသတင်းတင်သူသည် မိမိသတင်းနှင့်ပတ်သက်၍ တာဝန်ယူ တာဝန်ခံတော့မည် မဟုတ်ကြောင်း ထင်ရှားလျှက်ရှိပါသည်။ သို့သော် အဆိုပါသတင်းကို အမေရိကန်အပါအဝင် ရုရှားမီဒီယာတို့ကပါ ကူးယူဖော်ပြသောအခါ အလွန်ကြီးမားသည့် ပြဿနာဖြစ်ပေါ်လာသည်။

အမေရိကနအခြေစိုက် လွတ်လပ်သော သတင်းမီဒီယာ OpEdNews နှင့် ရုရှားနိုင်ငံ Panorama အပါအဝင် အခြား ၂-ခုခန့်တို့က သာမက အွန်လိုင်းအသုံးပြုသူအချင်းချင်း လူမှု့ကွန်ယက် နှင့် Messenger App တို့မှ ဖြန့်ဝေကြတော့သည်။

OpEdNews သည် မူရင်း တရုတ်ဘာသာကို Google Translator ဖြင့် ဘာသာပြန်ဖော်ပြထားခြင်းဖြစ်သည်ကို တွေ့ရှိရသည့်အတွက် OpEdNews ၏ Facebook နှင့် Twitter တို့မှ အဆိုပါသတင်းကို ဖယ်ရှားကြောင်း၊ ရုရှားမီဒီယာ Panorama ကမူ သရော်စာ ဟာသဝဘ်ဆိုက်ဖြစ်ကြောင်း စင်္ကာပူအခြေစိုက် “ သတင်းနှင့် အချက်အလက်မှားများ သုတေသန” Blackdotresearch က ဖေဖော်ဝါရီ ၅-ရက်နေ့၌ ဖော်ပြသည်။

Black Dot ပြောသည့်အတိုင်းပင် OpEdnews မှ အဆိုပါသတင်းများ မတွေ့ရတော့ချေ။

အစဉ်လေးစားစွာဖြင့်

#HtayOung, #OungMarine

((ကိုရိုနာဗိုင်းရပ်စ်နှင့်ပတ်သက်၍ ဇီဝလက်နက်ဆိုသည်ကို သိပ္ပံပညာရှင်များက မည် သည့်အတွက် လက်မခံနိုင်ပဲရှိနေပုံ၊ အလွန်ထူးခြားသော တိုက်ဆိုင်မှုနှင့် အခြားသိမှတ်ဖွယ်ရာတို့ကို “ #ဝူဟန်ကိုရိုနာဗိုင်းရပ်စ်နှင့်ထူးဆန်းသောတိုက်ဆိုင်မှု၊ဇီဝလက်နက်တကယ်ကြီးလား.. “ ခေါင်းစဉ်ဖြင့် အသေးစိတ်ရေးသားပြီးဖြစ်ရာ လာမည့် မတ်လထုတ် “ အကုန်သိ မဂ္ဂဇင်း “ က ဖော်ပြပေးပါလိမ့်မည်။ ။ သတင်းဘာသာပြန်သူ ))

((( Blackdot Research., 05 Feb, 2020, “C[COVIDWatch]: The Hazards Of Fighting Fake News” ကို #HtayOung, #OungMarine ဆီလျော်အောင် ကောက်နှုတ်ဘာသာပြန်ဆိုသည်။ ဆက်စပ်သတင်းများမှာ ပေးထားပါ Links များအတိုင်းဖြစ်သည်။ )))

https://www.opednews.com/articles/Biohazard-Waste-Boxes-Foun-by-Jeff-J-Brown-Biohazard_China_Wuhan-Coronavirus-200206-45.html

https://www.businessinsider.com/coronavirus-bioweapon-tom-cotton-conspiracy-theory-china-warfare-leak-2020-2

https://www.scmp.com/lifestyle/arts-culture/article/3050481/virus-called-wuhan-400-makes-people-terribly-ill-dean-koontz

https://www.rt.com/news/480261-china-german-media-racist-coronavirus/

https://www.dw.com/en/do-asians-face-discrimination-in-germany-due-to-coronavirus/a-52274962

0

Leave a Reply

Your email address will not be published.