အီဂျစ်သို့ လက်နက်ရောင်းချရခြင်းသည် အကြမ်းဖက်ခြိမ်းခြောက်မှုချေမှုန်းသာ ဖြစ်ပြီး လူ့အခွင့်အရေးအပေါ် မူတည်မည်မဟုတ်ဟု ပြင်သစ်သမ္မတဆင်ခြေပေး၊ အကြမ်းဖက်မှုတိုက်ဖျက်ရေး ခံကတုတ်ကြီးအဖြစ် ပြင်သစ်က အီဂျစ်အား အမွှန်းတင်နေစဉ် တမန်တော်ရုပ်ပြောင်နှင့်ပတ်သက်၍ သမ္မတနှစ်ဦး စကားအဆီအငေါ်မတည့်ဖြစ်


အီဂျစ်နိုင်ငံ၏ ဒေသတွင်းအကြမ်းဖက်မှုဆန့်ကျင်ရေးကို ဆုတ်ယုတ်မသွားစေရန်အတွက် ပြင်သစ်နိုင်ငံက အီဂျစ်သို့ လက်နက်ရောင်းချမည့် မည်သည့်သဘောတူချက်မဆို ၎င်းနိုင်ငံ၏လူ့အခွင့်အရေးဆိုင်ရာ စံချိန်စံညွှန်းများနှင့်အညီ ပြုလုပ်ရန် အစီအစဉ်မရှိကြောင်း ပြင်သစ်သမ္မတမက်ခွန်က တနင်္လာနေ့တွင် ပြောဆိုသည်ဟု Russia Today က ယနေ့ရေးသားသည်။ 


သမ္မတမက်ခွန်သည် ပါရီမြို့တွင်ရောက်ရှိနေသော အီဂျစ်သမ္မတနှင့် အီလီဆီနန်းတော်တွင် တွေ့ဆုံဆွေးနွေးသည်။ ထို့နောက် နှစ်နိုင်ငံခေါင်းဆောင်များ ပူးတွဲသတင်းစာရှင်းလင်းပွဲကျင်းပရာ၌ ပြင်သစ်နိုင်ငံအနေဖြင့် ကာကွယ်ရေးနှင့် စီးပွားရေးပူးပေါင်းဆောင်ရွက်မှုဆိုင်ရာကိစ္စရပ်များအတွက် ( လူ့အခွင့်အရေးချိုးဖောက်သည်ဟူသော ) အခြားသဘောကွဲလွဲမှုများအား ထည့်သွင်းရန် မရှိကြောင်း၊ အကြမ်းဖက်မှုဆန့်ကျင်ရာတိုက်ခိုက်ရာတွင် ကျွန်ုပ်တို့လုပ်ဖော်ကိုင်ဖက်တစ်ဦး၏ စွမ်းရည်ထက်မြက်မှုကိုသာ လျှော့ပါးစေမည့် တားဆီးသပိတ်မှောက်ခြင်းထက် တွေ့ဆုံဆွေးနွေးတောင်းဆိုသည့် မူဝါဒက ပိုမိုထိရောက်မည်ဖြစ်ကြောင်း သမ္မတမက်ခွန်က ပြောဆိုသည်။ 


ပြင်သစ်နိုင်ငံအနေဖြင့် အီဂျစ်နိုင်ငံအား ဆိုင်းနိုင်းကျွန်းဆွယ်နှင့်လစ်ဗျားရှိ အစ္စလာမ်မစ်စစ်သွေးကြွများအား ဆန့်ကျင်တိုက်ဖျက်ရေးတွင် ခံစစ်တံတိုင်းသဖွယ် ရှုမြင်သော်လည်း၊ အီဂျစ်တွင် သဘောထားကွဲလွဲသူများအား ဖြိုခွင်းခြင်းကြောင့် လူ့အခွင့်အရေးအုပ်စုများက အပြင်းအထန်ဝေဖန်လျှက်ရှိစဉ် ပြင်သစ်သို့ အီဂျစ်သမ္မတဖြစ်သူ အဗ္ဗဒယ်ဖာတက်အယ်လ်စီစီ ရောက်ရှိလာခြင်းဖြစ်သည်။ မက်ခွန်ကမူ စီစီနှင့် တနင်္လာနေ့ဆွေးနွေးရာတွင် လူ့အခွင့်အရေးကိစ္စရပ်များနှင့် ပတ်သက်၍ ရင်းနှီးပွင့်လင်းစွာ ပြောဆိုခဲ့သည်ဟု ဆိုသော်လည်း အသေးစိတ် ရှင်းလင်းခြင်း မရှိချေ။ 

  
သမ္မတစီစီ၏ ပြင်သစ်သို့ အလည်အပတ်ခရီးစဉ်မတိုင်မီ လူ့အခွင့်အရေးအဖွဲ့ (၁၇) ဖွဲ့တို့၏ သတင်းထုတ်ပြန်ချက်၌ ပြင်သစ်နိုင်ငံက အီဂျစ်သို့လက်နက်ခဲယမ်း၊စောင့်ကြပ်ကြည့်ရှု့ရေးကိရိယာများနှင့် အများလူထု ထိန်းချုပ်ကွပ်ညှပ်ရေးစက်ပစ္စည်းများ ရောင်းချခြင်းအပေါ် ရှုတ်ချကြောင်း ဖော်ပြထားသည်။ ပြင်သစ်၏ သံခင်းတမန်ခင်းဆိုသည်မှာ မည်သည့်သဘောထားကွဲလွဲမှုများကိုမဆို ကာလကြာမြင့်စွာ ရက်ရက်စက်စက် ဖိနှိပ်ချုပ်ချယ်ခြင်း၌ အရသာတွေ့နေသည့် သမ္မတစီစီအား အဆင့်မြင့်ဂုဏ်ပြုလက်ခံခြင်း ဖြစ်ကြောင်း၊ အီဂျစ်တွင် လူ့အခွင့်အရေးမြှင့်တင်စေရမည်ဟု သမ္မတမက်ခွန်၏ ကတိကဝတ်တို့သည် ဘယ်တော့မှ ဖြစ်လာမည် မဟုတ်ကြောင်း ယခုပြသနေသည်ဟု ကြေညာချက်၌ ဖော်ပြထားသည်။ 

  
မကြာသေးမီက အီဂျစ်အာဏာပိုင်များသည် လွန်ခဲ့သည့် နိုဝင်ဘာလတွင် ၎င်းတို့ ဖမ်းဆီးခဲ့သည့် ပုဂ္ဂလိအခွင့်အရေးဆိုင်ရာတောင်းဆိုသူ အလုပ်သမား ၃-ဦးကို ပြန်လွှတ်ပေးခဲ့သည်။ မက်ခွန်သည် ၁၉၉၉- ခုနှစ်တွင် ကိုင်ရိုသို့ အလည်အပတ်ရောက်ခဲ့ပြီး ဘလော့ဂါများ၊ စာနယ်ဇင်းသမားများနှင့် တက်ကြွလှုပ်ရှားသူများအား နိုင်ငံအတွင်းထိန်းသိမ်းထားလျှင် အီဂျစ်မှာ မှန်ကန်သော လမ်းကြောင်း ပေါ်တွင် သွားနေသည်ဟု မဆိုနိုင်ကြောင်း ပြောကြားခဲ့ဖူးသည်။ 


သို့သော်လည်း ထိုသို့ထိန်းသိမ်းရခြင်းမှာ အီဂျစ်တွင် ဆီးရီးယား၊ ယီမင်နှင့်လစ်ဗျားကဲ့သို့အလားတူအဖြစ် ဆိုးများအခြေအနေများအား ရှောင်ရှားရန် လိုအပ်၍ မလွှဲမရှောင်သာ ဆောင်ရွက်ရခြင်းဖြစ်ကြောင်း သမ္မတ စီစီက အကြိမ်ကြိမ် ရှင်းလင်းပြောကြားခဲ့သည်။ 


လက်နက်ဝယ်ယူရန် ပြင်သစ်သို့ရောက်ရှိနေသော အီဂျစ်သမ္မတအား အကြမ်းဖက်ချေမှုန်းရေး၏ ခံကတုတ် ကြီးအဖြစ် ပြင်သစ်က အမွှန်းတင်နေစဉ် တမန်တော်မိုဟာမက်ရုပ်ပြောင်နှင့်လွတ်လပ်စွာပြောဆိုခွင့်အရေး အတွက် သမ္မတမက်ခွန်နှင့် စကားအဆီအငေါ်မတည့်ဖြစ်ရသည်ဟု Russia Today က ယနေ့ရေးသားသည်။

 
တနင်္လာနေ့ ပူးတွဲသတင်းစာရှင်းလင်းပွဲတွင် အစ္စလာမ်အစွန်းရောက်ဝါဒ၏ စိန်ခေါ်မှုကို တုန့်ပြန်ရေး ကြိုးပမ်းမှု များအတွက် တစ်ဦးနှင့်တစ်ဦး အပြန်အလှန် ချီးမွမ်းကြသော်လည်း ဘာသာရေးနှင့် လွတ်လပ်စွာပြောဆိုခွင့် တို့တွင်မူ သမ္မတနှစ်ဦးလုံးက ဆန့်ကျင်သော ၎င်းတို့၏အမြင်များကို အသီးသီး ထုတ်ဖော်ပြောဆိုကြသည်။ တမန်တော်မိုဟာမက်အား ပုံတူရုပ်ပြောင်အဖြစ် သရုပ်ဖော်ထားသည့်အငြင်းပွားဖွယ် ကာတွန်းရုပ်ပုံများ ဖြန့် ဝေခြင်းအပေါ် အစ္စလာမ်ဘာသာဝင်အများစုက စော်ကားမှုအဖြစ် သတ်မှတ်ကြခြင်းကို ဆွေးနွေးကြခြင်း ဖြစ်သည်။ 


ဘာသာရေးတွင် လူ့တန်ဖိုးများထက် သာလွန်မြင့်မြတ်သော သဘောသဘာဝရှိသည်ကို ယုံကြည်ကြောင်း၊ ဘာသာရေးတန်ဖိုးများကို တရိရိတိုက်စားရာရောက်ခြင်း။ ဘာသာရေး၏ သာလွန်မြင့်မြတ်မှုကို အသိအမှတ် မပြုခြင်းဖြင့် လူသန်းပေါင်းများစွာတို့၏ စိတ်ခံစားချက်အား ထိခိုက်စေမည့် အလားအလာများကြောင့် စိုးရိမ်မိ ကြောင်း သတင်းထောက်မေးခွန်းကို သမ္မတစီစီက ဖြေဆိုသည်။


သို့သော် ပြင်သစ်သမ္မတကမူ အခြားရှုထောင့်မှ ရှုမြင်သည်။ ပြင်သစ်တွင် လူထက် မြင့်မြတ်သည်ဟူ၍ မည်အ ရာမျှ မရှိနိုင်ဟု ယူဆကြောင်း၊ လူ၏ ဂုဏ်သိက္ခာကို လေးစားတန်ဖိုးထားကြောင်း၊ ၎င်းမှာ အသိဉာဏ်ပွင့်လင်း မှုဒဿန၏ အထောက်အပံ့များဖြစ်ကြောင်း၊ နိုင်ငံရေးနှင့်ဘာသာရေးခွဲခြားသုံးသပ်ခြင်းမှာ ပြင်သစ်၏ အလွန် အရေးကြီးသော ဝိသေသလက္ခဏာဖြစ်ကြောင်း သမ္မတမက်ခွန်က ပြောဆိုသည်။ 


လွန်ခဲ့သည့် အောက်တိုဘာလတွင် ပါရီမြို့ဆင်ခြေဖုံး၌ ပြင်သစ်ကျောင်းဆရာဆမ်မြူရယ်ပတ်တီအား ဆယ် ကျော်သက် အစွန်းရောက်ဝါဒီတစ်ဦးက သတ်ဖြတ်မှုအပြီးတွင်အစ္စလာမ်အစွန်းရောက်ဝါဒကို မက်ခွန်နှင့် သူ၏အစိုးရ၏ နှိမ်နင်းခဲ့သည်။ 


ပြင်သစ်သမ္မတကမူ ရှာလီဟဗ်ဒိုက တမန်တော်မိုဟာမက်ကာတွန်းရုပ်ပြောင်ဖော်ပြခြင်းကို လွတ်လပ်စွာ ပြောဆိုခွင့်ဘက်မှ ခုခံရမည့်အစား အစ္စလာမ်ဘာသာမှာ အကျပ်အတည်းရောက်နေပြီဟု ထုတ်ဖော်ပြောကြားခြင်းကြောင့် ကမ္ဘာတစ်ဝှမ်းရှိမွတ်စလင်များ၏အမျက်ဒေါသ ထွက်အောင် ဖန်တီးရာရောက်ခဲ့သည်။ 


စီစီသည် မက်ခွန်နှင့် သဘောမတိုက်ဆိုင်များစွာတို့အနက် တစ်ဦးဖြစ်သော်လည်း တူရကီမှ ရီဆက်တေရစ် အာဒိုဂန်နှင့် အခြားမွတ်စလင်ခေါင်းဆောင်များကဲ့သို့မဟုတ်ပဲ ပြင်းပြင်းထန်ထန်ပြစ်တင်ဝေဖန်ခြင်းကို ချိန်ဆ ခဲ့သည်။ လူအချို့က ၎င်းတို့၏အတွေးအမြင်ကို လွတ်လပ်စွာထုတ်ဖော်ပြောကြားခွင့်ရှိပါလျှင် လူပေါင်း ၁.၅ ဘီလီယံကျော်၏ ခံစားချက်များအား စိတ်အနှောက်အယှက်ပေးရာရောက်သည့်အခါ ရပ်တန့်သွားလိမ့်မည်ဟု ထင်မြင်ကြောင်း အီဂျစ်သမ္မတစီစီက ပြောဆိုသည်။ 


===== 
(( မကြာသေးခင်က အမေရိကန်၏ BLM လှုပ်ရှားမှုများသည် လူဖြူပဓါနဝါဒ၊ ကျွန်ကုန်ကူးခြင်းနှင့် ကိုလိုနီ နယ်ပယ်ချဲ့ထွင်ခြင်း ဆန့်ကျင်ရေးအဖြစ် ကမ္ဘာအရပ်ရပ်သို့ ကူးစက်ခဲ့သည်။ မရှေးမနှောင်းမှာပင် ကျွန်တော် တို့ဆီ၌ “ mုNား “ ဟု ခေါ်ခြင်းမှာ ခွဲခြားဆက်ဆံရာရောက်ကြောင်း လှုပ်ရှားမှု့ပေါ်ပေါက်လာ၍ အလွန်အံ့သြ မိပါသည်။ 


အမှန်စင်စစ် အမေရိကန်နှင့် ဥရောပ၌ အထက်ပါ လူထုလှုပ်ရှားမှု့များသည် လူကိုလူချင်း ကိုလိုနီပြုခဲ့ဖူး၊ ကျွန် ကုန်ကူးခဲ့ဖူးသည့် သမိုင်းရှိသော အမေရိကန်၊ ဗြိတိန်၊ စပိန်၊ ဒတ်ချ်၊ အီတလီ၊ ဂျာမနီ၊ ပြင်သစ်စသည့် နိုင်ငံ များ၌သာ ကွက်ကွက်လေးဖြစ်နေကြောင်း အထင်အရှားတွေ့ရသည်။ လောလောဆယ် “ mုNား “ ဟု ခေါ် ကြမည်ဟု ထင်ရှားသော လူပုဂ္ဂိုလ်၊ ရဟန်းပုဂ္ဂိုလ်တို့ ဟောပြောသည်လည်းမကြားရ၊ အဖွဲ့အစည်းတစ်ခုခုက ကင်ပိန်းသဘော လှုပ်ရှားခြင်းလည်း မရှိသည့်အချိန်တွင် #မြန်မာကြွတက်လှုပ်ရှားသူများက ဘယ့်နှာကြောင့် #တစ်ရေးနိုးကျား ရုပ်ဆွဲရသည်ကို နားမလည်နိုင်အောင်ဖြစ်ရသည်။ သူများယောင်၍ ကိုယ်တိုင် ဆရာခိုလိမ်း ရအောင် လိုက်ယောင်ခြင်း သို့မဟုတ် မီးစိမ်းပြ၍ အိပ်ပျော်နေသော ရုပ်သေးရုပ်များ ဗလာပွဲကခြင်းဖြစ်မည်ဟု ယူဆပါသည်။ 


တချိန်က အထက်ဖော်ပြပါ လူကိုလူချင်း ကိုလိုနီပြုသူများသည် “ ဖွံ့ဖြိုးမှု့နည်းပါးလွန်း၍ ခေတ်နောက်ကျ နေခြင်းကြောင့် “ ကိုလိုနီပြုရပါသည် ဆင်ခြေပေးခဲ့ကြသည်။ ၎င်းတို့၏ #၁၂-ပေါင်ဒါအမြောက်ကို သစ်လုံးခံ တပ်နှင့် ခုခံနေသူများ၏ ပြည်တွင်းရေးအား ထင်သလို အနိုင်အထက်ပြုခဲ့ကြသည်။

 
ခေတ်ပြောင်းလာသောအခါ “၁၂ ပေါင်ဒါအမြောက် “ အစား “ လူ့အခွင့်ရေး “ ကို တွင်တွင်ကြီး အသုံးပြုကာ အခြား အချုပ်အခြာအာဏာပိုင်နိုင်ငံများ၏ ပြည်တွင်းရေးအား ဝင်ရောက်စွက်ဖက်ခြင်းအဖြစ်သို့ ပြောင်းလဲလာသည်။ 

လစ်ဗျား၊ ဆီးရီးယား၊ ယီမင်၊ အာဖဂန် တို့ကိုကြည့်လျှင် လူ့အခွင့်အရေး ပြောသည်ကလည်း အနောက်အုပ်စု၊ အများဆုံး လက်နက်ရောင်းသူတို့ကလည်း အနောက်အုပ်စုဖြစ်နေလေရာ အရှေ့အလယ်ပိုင်းသားတို့အား အမှည့်ချွေ ချွေနေသလား ထင်ရသည်။


ယခုသတင်းတွင်လည်း ကိုလိုနီပြုရာ၌ ယခုထိ အပိုးမကျိုးသေးသော ကြောင်သူတော် စားဖားဟောင်းကြီး၏ ရှုံ့ချည်နှပ်ချည် လူ့အခွင့်အရေးကို အတိုင်းသား မြင်လိုက်ရပါသည်။ ။ သတင်းဘာသာပြန်သူ )) 


#အီဂျစ်သို့ပြင်သစ်လက်နက်ရောင်းချခြင်းနှင့်_လူ့အခွင့်အရေး #ရှာလီဟက်ဗ်ဒိုကာတွန်းနှင့်ပြင်သစ်အီဂျစ် 
((( Russia Toaday. 7 Dec, 2020, “French arms sales to Egypt won’t be conditional on human rights due to terrorism threat, Macron says as he meets Sisi.” ကို #HtayOung, #OungMarine ဆီလျော်အောင် ကောက်နှုတ်ဘာသာပြန်ဆိုသည်။ ))) 

https://www.rt.com/news/508906-france-egypt-arms-rights/ 
https://www.rt.com/news/508926-france-egypt-macron-sisi-cartoons/ 
https://www.rt.com/news/508683-erdogan-macron-france-burden 

0

Leave a Reply

Your email address will not be published.