အမေရိကန်နှင့် မဟာမိတ်တို့က ဆီးရီးယားတွင် စစ်ရာဇ၀တ်မှုကျူးလွန်ခြင်း၊ အရပ်သားများအပေါ် ပစ်မှတ်ထားတိုက်ခိုက်ခြင်းအတွက် ကုလစုံစမ်းရေးကော်မရှင်က ပြစ်တင်ရှုတ်ချ။


 


ဆီးရီးယားတွင် စစ်ရာဇ၀တ်မှုကျူးလွန်ခြင်း၊ အရပ်သားများအပေါ် ပစ်မှတ်ထား တိုက်ခိုက်ခြင်းအတွက် ကုလသမဂ္ဂစုံစမ်းရေးကော်မရှင်က အမေရိကန်နှင့် မဟာမိတ်တို့အား ပြစ်တင်ရှုတ်ချလိုက်ရာ ၉-နှစ်ကြာ စစ်ပွဲ၌ ဆီးရီးယားနိုင်ငံ၏ အစိတ်အပိုင်းအချို့မှာ လုံးဝနီးပါး ဖျက်ဆီးခြင်းခံရကြောင်း ထင်ဟပ်ဖော်ပြလျှက်ရှိသည်ဟု Russia Today က (13 Sep, 2019 ) တွင် ရေးသားသည်။ 


ဗုဒ္ဓဟူးနေ့တွင် တင်ပြသည့် ကမ္ဘာ့ကုလသမဂ္ဂ၏ ဆီးရီးယားအာရပ်သမ္မတနိုင်ငံဆိုင်ရာ လွတ်လပ်သော စုံစမ်းစစ်ဆေးရေးကော်မရှင်အစီခံစာ၌ အရပ်သားတို့သည် ဆီးရီးယားပဋိပက္ခတွင် ပါဝင်သူအားလုံးတို့၏ ရန်လိုမှု စုပြုံကျရောက်နေဆဲဖြစ်ကြောင်း ဖော်ပြထားသည်။ အထူးသဖြင့် အမေရိကန်ဦးဆောင်သော နိုင်ငံတကာညွန့်ပေါင်းတပ်ဖွဲ့များသည် စစ်ပွဲနှင့် သက်ဆိုင်ခြင်းမရှိသူတို့အပေါ် ပစ်မှတ်ထားလျှက် အကြိမ်ကြိမ်တရားလက်လွတ်ပြုကျင့်ခဲ့သည်ကို တွေ့ရှိရကြောင်း သတိပေးထားသည်ဆို၏။ 


နိုင်ငံတကာညွန့်ပေါင်းတပ်ဖွဲ့များသည် အရပ်သားနှင့် စစ်ဖက်ဆိုင်ရာဟု ခွဲခြားသတ်မှတ်ခြင်းမရှိ၊ လုံလောက်စွာ ကြိုတင်သတိပေးခြင်းလည်းမရှိကြောင်း၊ ထိုသို့ မဆင်မခြင် အရမ်းကာရော ပြုကျင့်သည့်ရလာဒ်အဖြစ် အပြစ်မဲ့အရပ်သားများ သေကြေအနာတရဖြစ်ကာ စစ်ရာဇ၀တ်မှုကျူးလွန်ရာရောက်ရှိကြောင်း သိရှိရသည်။ 


ဆီးရီးယားအရှေ့ပိုင်း ဒါရ်အီဇိုခရိုင်ရှိ မြို့နှင့် ကျေးရွာများတွင် အမေရိကန်နှင့်မဟာမိတ်တို့က မဆင်မခြင်အရမ်းကာရော ပြုကျင့်သည့်အတွက် သောင်းနှင့် ချီသော စစ်ဘေးရှောင်များဖြစ်ပေါ်စေခဲ့ပြီး ရောဂါဘယအတိနှင့် ချို့တဲ့ပြတ်လပ်ရာတွင် နာမည်ဆိုးသော အယ်လ်ဟိုး ဒုက္ခသည်စခန်းတွင် ဘ၀အဆုံးသတ်ရလျှက်ရှိသည်။ 

  
အရပ်သားများ ပျက်စီးဆုံးရှုံးမှုကို လျှော့နည်းစေသော ကြိုတင်သတိပေးရန် ပျက်ကွက်လျှက်ရှိခြင်း၊ တာဝန်ရှိ အဖွဲ့အစည်းအတွင်း အကျင့်ပျက်ခြစားမှုကျယ်ပြန်စွာဖြစ်ပွားနေခြင်း၊ ခြိမ်းခြောက်ငွေညှစ်ခြင်း၊ ၀န်ဆောင်မှုနှင့် လုံခြုံရေးဝန်ထမ်းအင်အားမလုံလောက်ခြင်း၊ အာဏာအလွဲသုံးစားခြင်းတို့ကို တွေ့မြင်ရကြောင်း၊ အမေရိကန်ကျောထောက်နောက်ခံပြု ဆီးရီးယားဒီမိုကရက်တစ်တပ် ( SDF ) ၊ လက်ကျန် အစ္စလာမ်မစ်စတိတ် ( IS, ယခင် ISIS ) အစွန်းရောက်တပ်ဖွဲ့ဝင်များ၊ ဒေသန္တရအယ်လ်ကိုင်ဒါအကြမ်းဖက်အဖွဲ့များသည် လူသားချင်းစာနာမှုအပေါ် ကြောက်မက်ဖွယ်အခြေအနေဖြစ်ပေါ်စေခဲ့ကြောင်း အစီရင်ခံတင်ပြထားသည်။ 


အိုင်ဒဲလ်ဗ်ဒေသတွင် ဆီးရီးယားအစိုးရတပ်များသည် ရုရှား-တူရကီတို့နှင့် ပူးတွဲရေးဆွဲထားသည့် စစ်မဲ့ဇုံထူထောင်ထားရှိမှုအပေါ် လေးစားလိုက်နာမှုမရှိကြောင်း၊ ဆေးဘက်ဆိုင်ရာအဆောက်အအုံများ၊ အရပ်သားများအား အကာအကွယ်ပေးထားသည့် အခြေခံအဆောက်အအုံများအား တိုက်ခိုက်လျှက်ရှိသည်ဆို၏။ အမေရိကန်တို့၏ စစ်ရေးဆောင်ရွက်မှုကပါ သေဆုံးပျက်စီးမှုဖြစ်ပေါ်ခဲ့ရသည်။ 

  
လွန်ခဲ့သော ရက်သတ္တပတ်ကလည်း ယီမင်စစ်ပွဲ၌ အမေရိကန်၊ ဗြိတိန်နှင့် ပြင်သစ်တို့၏ လူသားချင်းစာနာမှုဆိုင်ရာအကြပ်အတည်းဖြစ်ပေါ်စေခဲ့ပုံကို အခြားသော ကုလသမဂ္ဂအဖွဲ့အစည်းဖြစ်သည့် လူ့အခွင့်ရေး ကော်မရှင်က အသေးစိတ်အတွင်းကျကျ သတင်းထုတ်ပြန်ခဲ့သည်။ ဆော်ဒီဦးဆောင်ညွန့်ပေါင်းတပ်များသည် ၂၀၁၅-ခုနှစ်မှ စတင်ကာ ယီမင်စစ်ပွဲ၌ ဒေသတွင်း တိုက်ခိုက်ရေးသမားတို့အား ထိုးစစ်ဆင်လျှက်ရှိသည်။ ရက်စက်ကြမ်းကြုတ်မှု၌ အသုံးပြုလိမ့်မည်ဟု သိထားပြီးဖြစ်သော နိုင်ငံအား စစ်လက်နက်ရောင်းချခြင်းသည် စစ်ရာဇ၀တ်မှုကျူးလွန်ခြင်းပင်ဖြစ်ကြောင်း ကမ္ဘာ့ကုလသမဂ္ဂနှင့် လူ့အခွင့်အရေးကောင်စီက ကြေညာ ထားသည်။ 


(( မျက်မှောက်ကမ္ဘာ၏ အခြားနေရာတို့၌ စစ်ရာဝတ်မှုကျူးလွန်ကြောင်း စွပ်စွဲခြင်းခံရသည့်တိုင်းပြည်များတွင် အမေရိကန်၊ ဗြိတိန်၊ ပြင်သစ်ကဲ့သို့ နိုင်ငံတကာအဆင့် သဘာရင့်တပ်မတော်ကြီးများလည်း ပါဝင်နေသည်ကို ကျွန်တော်တို့ဆီတွင် အလွန်လူသိနည်းပါသည်။ 


ထိုသို့ဖြစ်ရသည်မှာ အကြမ်းဖက်ခြင်းနှင့် စစ်တိုက်ခြင်းတို့အကြား အလွန်ပါးလွှာသော မျဉ်းကြောင်းလေး တစ်ခုသာ ခြားနားနေ၍ ဖြစ်ပါသည်။ ရှေးယခင် အလယ်ခေတ်က နှစ်ဖက်စစ်သားများ မျက်နှာချင်းဆိုင်ရပ်ကာ တံပိုး ခရာမှုတ်လျှက် စစ်တိုက်ကြသောခေတ် ကုန်ဆုံးခဲ့ပါပြီ။ မျက်မှောက်ခေတ် စစ်ပွဲများမှာ လက်နက်၊ သူ့လူ ကိုယ့်ဖက်သား အဖွဲ့အစည်း အလွန်ရှုတ်ထွေးသည့်အပြင် သတင်းမီဒီယာအားကောင်းကောင်းဖြင့် မွှေနှောက်သည့်အခါ ဘာတွေဖြစ်ကုန်မှန်းပင် အမှန်ကို အလွယ်မသိနိုင်တော့ချေ။ ။ သတင်းဘာသာပြန်သူ )) 

( စက်တင်ဘာ – ၂၁၊ ၂၀၁၉ )((( Russia Today., 21 Sep, 2019, “US sending more troops & air defenses to ‘protect’ Saudi Arabia & UAE – Pentagon.” ကို # HtayOung, #OungMarine ဆီလျှော်အောင် ကောက်နှုတ် ဘာသာ ပြန်ဆိုသည်။ )))


https://www.rt.com/usa/468718-un-slams-us-syria-civilians/ 
https://www.rt.com/op-ed/462215-us-exceptionalism-syria-russia/ 
https://www.rt.com/op-ed/447385-white-helmets-un-panel/ 
https://www.rt.com/news/467920-un-human-rights-war-crimes/ 

0

Leave a Reply

Your email address will not be published.