မြန်မာကိုယ်စားလှယ်က ကုလအထွေထွေညီလာခံတွင် Safe Zone အကြောင်း ပြောဆိုသည်မှာ အရှက်ရစရာဖြစ်ဟု ရှိတ်ဟာစီနာပြော။ မြန်မာနိုင်ငံအနေဖြင့် ဒုက္ခသည်ဘင်္ဂါလီများကြား ယုံကြည်မှုတည်ဆောက်သင့်ဟုဆို

ဘင်္ဂလားဒက်ရှ်နိုင်ငံသည် အကျင့်ပျက်ခြစားမှုမှန်သမျှကို ပြစ်ဒါဏ်ပေးလျှက်ရှိပြီး ဇန်နဝါရီ ၁၁ ရက်နေ့ ပြည် တွင်းမြို့ကြီးများတွင် နိုင်ငံတော်အရေးပေါ်အခြေအနေပြဋ္ဌာန်းခဲ့ရသကဲ့သို့ မတည်ငြိမ်မှုများ ဖြစ်လာနိုင်စရာ မရှိကြောင်း ဝန်ကြီးချုပ်ရှိတ်ဟာစီနာက ပြောဆိုသည်ဟု Dhaka Tribune က ယနေ့ရေးသားသည်။

ဘင်္ဂါလားဒက်ရှ်အမျိုးသားပါတီ ( BNP ) အစိုးရသက်တမ်းကုန်ဆုံးသည့် ၂၀၀၆ ခုနှစ်တွင် နိုင်ငံတစ်ဝှမ်းနိုင်ငံ ရေးမငြိမ်မသက်ဖြစ်ရာမှ ကျင်းပရန်ရှိသည့် ရွေးကောက်ပွဲကို ရွှေ့ဆိုင်း၍ ယာယီအစိုးရအား ဖွဲ့စည်းခဲ့ရသည်။ နိုင်ငံရေးပါတီကြီး နှစ်ရပ်အကြား အားပြိုင်ကြရာမှ သွေးထွက်သံယို အဓိကရုန်းများဖြစ်ပွားလာသဖြင့် ၂၀၀၇-ခုနှစ် ဇန်နဝါရီ ၁၁-ရက်နေ့တွင် နိုင်ငံတော်အရေးပေါ်အခြေအနေပြဋ္ဌာန်းကာ ဥပဒေမဲ့ ဆူပူသောင်းကျန်းမှုများ အားနှိမ်နင်းရန် ဘင်္ဂလားဒက်ရှ် တပ်မတော်အား အာဏာအပ်နှင်းလိုက်ရသည်။ ဒါကာ အပါအဝင် မြို့ကြီးပေါင်း ၆၀ တွင် ညမထွက်ရအမိန့်ထုတ်ပြန်လျှက် အဓိကရုန်းများဖြစ်ပွားရခြင်းအတွက် BNP ပါတီခေါင်းဆောင် ခါလီဒါဇီယာနှင့် အဝါမီလိခ်ပါတီခေါင်းဆောင် ရှိတ်ဟာစီနာတို့သာမက ပါတီနှစ်ဖွဲ့လုံးမှ တာဝန်ရှိသူများကို စစ်တပ်က စစ်ဆေးဖော်ထုတ်ခဲ့ရာ ၂-နှစ်အထိ ကြာမြင့်ခဲ့သည်။

တနင်္ဂနွေနေ့တွင် အမေရိကန်နိုင်ငံ၌ ရောက်ရှိနေသည့် ရှိတ်ဟာစီနာက နယူးယောက်ခ်မြို့ ကုလသမဂ္ဂဆိုင်ရာ အမြဲတမ်းကိုယ်စားလှယ်အဖွဲ့ရုံးတွင် မီဒီယာတွေ့ဆုံပွဲ ကျင်းပသည်။ ၎င်း၏ မိသားစုနေအိမ်သာမက ပါတီ အတွင်း၌ပင် တရားမျှတခြင်းမရှိသည့် ကိစ္စမှန်သမျှ ကြိုတင်အရေးယူလျှက်ရှိကြောင်း၊ ဘင်္ဂလားဒက်ရှ်ပြည်သူ လူထု၏ ဆန္ဒအလျှောက် ရွေးကောက်တင်မြောက်ခံရသော အစိုးရဖြစ်၍ ပြည်သူလူထု၏ ကောင်းကျိုးချမ်း သာကို ရှေးရှု့ဆောင်ရွက်ခြင်းဖြင့် နိုင်ငံအတွင်း ဇန်နဝါရီ ၁၁-ရက်နေ့ကဲ့သို့ ထပ်မံဖြစ်ပွားရန် အကြောင်း မရှိကြောင်း ဝန်ကြီးချုပ်က ရှင်းလင်းသည်။

သတင်းထောက်များအမေးကို ဖြေကြား ရာ၌ ၎င်းအနေဖြင့် ကုလသမဂ္ဂအထွေထွေအတွင်းရေးမှူး၊ အမေရိကန် သမ္မတတို့နှင့်အတူ နေ့လည်စာစား သုံးစဉ် ဒေါ်နယ်ထရမ့်အား စာတစ်စောင်ပေးအပ်ခဲ့ကြောင်း၊ ၎င်း၏ဖခင် ဖြစ်သူ နိုင်ငံ့အမျိုးသားခေါင်းဆောင်ကြီး “ဘင်္ဂါဘန်ဒူ” ရှိတ်မူဂျီဘူရာမန်အား သတ်ဖြတ်ခဲ့သူမှာ အမေရိကန် နိုင်ငံအတွင်း နေထိုင်လျှက်ရှိကြောင်း၊ အခြား လူသတ်သမားတစ်ဦးမှာ ကနေဒါတွင် နေထိုင်လျှက်ရှိပြီး အချို့မှာ ကမ္ဘာအရပ်ရပ်တွင် ရောက်ရှိနေကြောင်း၊ ရောက်ရှိရာနိုင်ငံတို့အား ကောင်းကျိုးမပေးနိုင်သည့် ၎င်းတို့ကို လွှဲ ပြောင်းရရှိ၍ ဘင်္ဂလားဒက်ရှ်တွင် ရုံးတင် တရားစွဲဆိုနိုင်ရန် ၎င်းတို့အစိုးရက ဆောင်ရွက်လျှက်ရှိပုံကို ရေးသား ထားကြောင်းဖြေကြားသည်။

ဒုက္ခသည်ဘင်္ဂါလီ ( မူရင်းရိုဟင်ဂျာဟုဖော်ပြ ) အရေးနှင့်ပတ်သက်၍ မြန်မာနိုင်ငံသည် အကြပ်အတည်း စတင် သူဖြစ်သဖြင့် တာဝန်ယူ ဖြေရှင်းရမည်ဖြစ်ကြောင်း၊ မြန်မာက ၎င်း၏နိုင်ငံသားများအား မည်သည့်အချိန် ပြန် ခေါ်မည်ဆိုခြင်းမှာ မေးခွန်းကြီးတစ်ခုဖြစ်နေကြောင်း၊  မြန်မာနိုင်ငံအနေဖြင့် ဒုက္ခသည် ဘင်္ဂါလီများကြား ယုံ ကြည်မှုတည်ဆောက်သင့်ကြောင်း၊ ၇၄-ကြိမ်မြောက်ကုသမဂ္ဂအထွေထွေညီလာခံတွင် မြန်မာကိုယ်စား လှယ် အဖွဲ့ခေါင်းဆောင်က ဘင်္ဂလားဒက်ရှ်အနေဖြင့်  Safe Zone တောင်းဆိုသည်မှာ အခြေအမြစ် မရှိဟု ပြောဆိုခဲ့ ကြောင်း၊ မိမိနိုင်ငံသားများ ပြည်ပတွင် ဒုက္ခသည်အဖြစ် ခိုလှုံနေရသည့် မြန်မာ၏အားနည်းချက်ကို ထုတ်ပြ နေခြင်းသာဖြစ်၍ အရှက်ရ ဂုဏ်သေးသိမ်စရာဖြစ်ကြောင်း၊ ထိုသို့ပြောဆိုခြင်းသည်ပင်လျှင် ဒုက္ခသည်ဘင်္ဂါလီ တို့အနေဖြင့် ၎င်းတို့၏ မူလမွေးရပ်ဇာတိမြန်မာသို့ ပြန်သွားရန် အယုံအကြည်မရှိခြင်းကို ဖော်ပြနေခြင်း ဖြစ်ကြောင်း ဘင်္ဂလားဒက်ရှ်ဝန်ကြီးချုပ်က ရှင်းလင်းပြောဆိုသည်။

(( ရခိုင်မြောက်ဖျားသို့ မည်သည့်ဒုက္ခသည်ဘင်္ဂါလီတစ်ဦးတစ်ယောက်မှ ပြန်မလာရ နိုင်ငံတော်သမ္မတ၊ ဒေါ် အောင်ဆန်းစုကြည်နှင့်၊ ကာကွယ်ရေးဦးစီးချုပ်က ပြောဆိုခဲ့ကြောင်း မတွေ့ရပါ။ မြန်မာနိုင်ငံအတွင်း နေထိုင် ခဲ့ဖူးသူအမှန်ဖြစ်လျှင် အကြမ်းဖက်မှု့၌ ပါဝင်ပတ်သက်ခြင်းမရှိပါက ပြန်လည်လက်ခံရန် ဘင်္ဂလားဒက်ရှ်၊ ကုလအေဂျင်စီများနှင့် MoU ရေးထိုးပြီး အသင့်ရှိနေသည်။  

၂၀၁၇ -ခုနှစ် OIC ညီလာခံတက်ရောက်သူ ဘင်္ဂလားဒက်ရှ်သမ္မတက ဒုက္ခသည်ဘင်္ဂါလီများအတွက် ကုလ သို့မဟုတ် OIC ကြီးကြပ်သည့် Safe Zone  ထူထောင်ပေးရန် ဆန္ဒရှိကြောင်း ( The Daily Star, , Sept. 11, 2017 ) က ဖော်ပြသည်။ ထိုအတိုင်းပင် ဒုက္ခသည်ဘင်္ဂါလီတို့၏ ပထမအကြိမ်တောင်းဆိုချက် ၁၂-ချက်တွင် ပါရှိကြောင်း တွေရရသည်။

ဒုက္ခသည်ဘင်္ဂါလီများအား အပြည့်အဝနိုင်ငံသားပေးရန် OIC ကတင်သွင်း၍ ကုလလူ့အခွင့်အရေးကော်မတီက မဲခွဲဆုံးဖြတ်ခြင်းဖြင့်လည်း အတည်ပြုခဲ့ပြီးပါပြီ၊ ( Fox News, November 16, 2017 )

နိုင်ငံတစ်နိုင်ငံ၏ တိုင်းရင်းသားဆိုသည်မှာ သက်ဆိုင်ရာလူ့အဖွဲ့အစည်း၏ အမှန်တကယ် ယဉ်ကျေးမှု သမိုင်းအ စဉ်အလာအရ ဖြစ်ပေါ်လာသည်။ ၂၀၁၈ ဧပြီ ၂၈ မှ မေ ၁-ရက်နေ့အတွင်း ကုလလုံခြုံရေးကောင်စီအဖွဲ့ဝင် ၁၅ နိုင်ငံမှ သံတမန်များ ဘင်္ဂလားဒက်ရှ်-မြန်မာ၊ ကော့ခ်ဘဇား-ရခိုင်မြောက်ဖျားသို့ လာရောက်လှည့်လည်သည်။ နိုင်ငံတစ်နိုင်ငံအတွင်း လူမျိုးတစ်မျိုးအမည်နှင့် နိုင်ငံသားသတ်မှတ်ပေးရန်မှာ နိုင်ငံတကာအဖွဲ့အစည်းများတွင် အမြင့်ဆုံး အလုပ်အမှုဆောင်အဖွဲ့ဖြစ်သော ကုလလုံခြုံရေးကောင်စီ၌ အခွင့်အာဏာမရှိဟု ဒုက္ခသည်ဘင်္ဂါလီ များနှင့် တွေ့ဆုံစဉ် ဖြေကြားခဲ့သည်။

 ဘင်္ဂလားဒက်ရှ်နှင့် ဒုက္ခသည်ဘင်္ဂါလီများ တောင်းဆိုသည့် Safe Zone ဆိုခြင်းမှာ ၎င်းနိုင်ငံနှင့် ကပ်လျှက် တည်ရှိသော ရခိုင်မြောက်ဖျားဖြစ်နေသည်။ ကံဆိုးချင်တော့ ဆီးရီးယား၊ အာဖဂန်နှင့် ဖိလစ်ပိုင်တွင် အစွန်း ရောက်အကြမ်းဖက်တို့က ဘာသာရေးနိုင်ငံတော် ထူထောင်ခြင်းနှင့် တိုက်ဆိုင်နေသည်။

မြန်မာနိုင်ငံတွင် မျိုးနွယ်စုပေါင်း ၁၃၅ မျိုးနေထိုင်၍ တိုင်းရင်းသားလက်နက်ကိုင်အဖွဲ့ ၁၀၀ ကျော်ရှိနေသည်။ လွတ်လပ်ရေးပြီးကတည်းက ပြည်တွင်းစစ်စတင်ခဲ့သည်မှာ ရာစုနှစ် ထက်ဝက်ကျော်ခဲ့ပါပြီ။

လူမျိုးတစ်မျိုးအမည်အဖြစ် ၎င်းတို့ဆန္ဒရှိသည့်အတိုင်း ခေါ်ဆိုခြင်းမှာ လူ့အခွင့်အရေးအရဖြစ်သည်ဟု ဆိုကြ သည်။ မြန်မာနိုင်ငံသမိုင်းတွင် ယခုလောက် လူ့အဖွဲ့အစည်းကြား သွေးကွဲ သံသယဖြစ်ရခြင်း တစ်ကြိမ်မျှ မရှိခဲ့ဖူးပါ။ ထိုလူမျိုးအမည်သုံးစွဲခြင်းသည် အမုန်းစကားဖြစ်ကြောင်းထောက်ပြခြင်းသည် မည်သည့်ဘာသာ၊ လူမျိုးကိုမျှ စော်ကားခြင်းအလျှဉ်းမရှိပါ။ ထိုသို့ကန့်ကွက်သူများသည်လည်း ထမင်းစားနေ လူများဖြစ်၍ လူ့အခွင့်အရေးရှိပါသည်။     ။ သတင်းဘာသာပြန်သူ ))

( စက်တင်ဘာ – ၃၀၊ ၂၀၁၉ ) ((( Dhaka Tribune., September 30th, 2019, “PM: No chance of incidents like 1/11 again. She said Myanmar should build confidence among the Rohingyas.” ကို # HtayOung, #OungMarine ဆီလျော်အောင် ကောက်နှုတ်ဘာသာပြန်ဆိုသည်။ )))

https://www.dhakatribune.com/bangladesh/politics/2019/09/30/pm-no-chance-of-incidents-like-1-11

https://www.refworld.org/docid/474e8953c.html

http://www.newagebd.net/article/23739/bangladesh-proposes-un-run-safe-zone-for-myanmar-refugees

http://www.thedailystar.net:8080/city/rohingya-need-un-or-oic-run-safe-zone-1460452

http://www.foxnews.com/world/2017/11/16/un-committee-urges-myanmar-to-give-citizenship-to-rohingyas.html

1+

Leave a Reply

Your email address will not be published.