မြန်မာအပေါ်အဆိုပြုချက်များနှင့် ပတ်သက်၍ ကုလအထွေထွေညီလာခံ၌ ဆုံးဖြတ်ရာတွင် ဘင်္ဂလားဒေ့ရှ် မဲမပေးပဲနေခဲ့။ ဒုက္ခသည်ဘင်္ဂါလီများ ဇာတိရခိုင်သို့ ပြန်သွားရန် မပါဝင်၍ဟုဆို။ ဘီလာရုဇ်တစ် နိုင်ငံတည်းသာ ကန့်ကွက် တရုတ်-အိန္ဒိယ-ရုရှားနှင့် အာဆီယံ ၄-နိုင်ငံတို့ မဲမပေး


မြန်မာ့အပေါ် အဆိုပြုချက်များနှင့် ပတ်သက်၍ ကုလအထွေထွေညီလာခံ၌ ဆုံးဖြတ်ရာတွင် ဘင်္ဂလားဒေ့ရှ် မဲမပေးပဲနေခဲ့ကြောင်း အဆိုပြုချက်များမှာ ခိုင်မာသော စကားအသုံးအနှုန်း မပါရှိခြင်း အထူးသဖြင့် သန်းနှင့်ချီသော နေရပ်စွန့်ခွာ ဒုက္ခသည်ဘင်္ဂါလီ (မူရင်း ရိုဟင်ဂျာဟု ဖော်ပြ) တို့နှင့်ပတ်သက်၍ ၎င်းတို့၏ မူလဇာတိ ရခိုင်ပြည်နယ်သို့ နေရပ်ပြန်ရန် ပါဝင်ခြင်းမရှိ၍ ထိုသို့ ဆုံးဖြတ်ရခြင်းဖြစ်သည်ဟု Dhaka Tribune က ယနေ့ ရေးသားသည်။

…  
သောကြာနေ့တွင် ကုလသမဂ္ဂအထွေထွေညီလာခံက “ မြန်မာနိုင်ငံအတွင်း အခြေအနေ “ နှင့်ပတ်သက်၍ အဆိုပြုချက်မူကြမ်းကို အတည်ပြုရာတွင် မြန်မာနိုင်ငံသို့ လက်နက်များ စီးဝင်မှုကိုရပ်တန့်ရန်၊ နိုဝင်ဘာလ ရွေးကောက်ပွဲရလဒ်များကို လေးစားရန်နှင့် ခေါင်းဆောင်ဒေါ်အောင်ဆန်းစုကြည်အပါအဝင် နိုင်ငံရေးအကျဉ်း သားများအား လွှတ်ပေးရန် တိုက်တွန်းချက်များ ပါဝင်သည်။

…  
မြန်မာအနေဖြင့် မပျက်မကွက် လိုက်နာရန် မဟုတ်သော အဆိုပြုချက်များကို အဖွဲ့ဝင် ၁၁၉-နိုင်ငံက ထောက်ခံကြသည်။ ဥရောပ ဘီလာရုဇ် တစ်နိုင်ငံတည်းသာ ကန့်ကွက်၍ ဘင်္ဂလားဒေ့ရှ်အပါအဝင် တရုတ်-အိန္ဒိယ၊ရုရှားနှင့် အာဆီယံ ၄-နိုင်ငံတို့က မဲမပေးပဲ နေခဲ့သည်။

…   
မြန်မာနိုင်ငံအတွက် ယခင်အစိုးရအား ကိုယ်စားပြုသော ကုလသမဂ္ဂဆိုင်ရာ မြန်မာအမြဲတမ်း ကိုယ်စားလှယ်က ၎င်းဆုံးဖြတ်ချက်အား ထောက်ခံမဲ ပေးခဲ့သည်။

…  
ဒုက္ခသည်ဘင်္ဂါလီအကြပ်အတည်း အထူးသဖြင့် ကော့ခ်ဘဇားတွင် ခိုလှုံသူများအား နေရပ်ပြန်စေရန် ခိုင်မာလုံလောက်မှုမရှိသော အဆိုပြုချက်ပါ စကားအသုံးအနှုန်းများကို ကန့်ကွက်သည့်အနေဖြင့် မဲ မပေးခြင်းဖြစ်ကြောင်း၊ ကုလသမဂ္ဂဆုံးဖြတ်ချက်မှာ ဒုက္ခသည်ဘင်္ဂါလီပြဿနာကို ဖြေရှင်းနိုင်လိမ့်မည်ဟု မျှော်လင့်ခဲ့ကြောင်း၊ ၎င်းကိစ္စနှင့် ပတ်သက်၍ ဘင်္ဂလားဒေ့ရှ်က စည်းရုံးနေပြီး၊ အခြားနိုင်ငံများ၏ ထောက်ခံမှုကို စုဆောင်းလျှက်ရှိကြောင်း၊

…   
ဒုက္ခသည်ဘင်္ဂါလီအရေးကို နိုင်ငံအသီးသီးမှ သံတမန်များနှင့် ပြောဆိုခဲ့ပြီး ဆုံးဖြတ်ချက်နှင့် စပ်လျှဉ်း၍ စဉ်းစားချင့်ချိန်ရန် ဆွေးနွေးမှုများပြုလုပ်ခဲ့ကြောင်း၊ အဆိုပြုချက်ကို ထောက်ခံကြသောနိုင်ငံများသည်ပင်လျှင် အကြပ်အတည်း၏ အတိုင်းအတာကို သဘောတူညီခဲ့ကြကြောင်း၊ လာမည့် စက်တင်ဘာတွင် ကျင်းပမည့် ကုလသမဂ္ဂအထွေထွေညီလာခံ၌ အထူးသဖြင့် ဒုက္ခသည်ဘင်္ဂါလီအကြပ်အတည်းနှင့် ပတ်သက်၍ ယခင်နှစ်များနည်းတူ သီးခြားဆုံးဖြတ်ချက် ပါရှိလိမ့်မည်ဖြစ်ကြောင်း ကုလသမဂ္ဂဆိုင်ရာ ဘင်္ဂလားဒေ့ရှ် အမြဲတမ်း အမျိုးသမီး သံအမတ်ကြီး ရာဘက်ဖတီမာက Dhaka Tribune အားရှင်းပြသည်။

(((သောကြာနေ့ မြန်မာနှင့် ပတ်သက်၍ ကုလအထွေထွေညီလာခံ၏ ဆုံးဖြတ်ချက်တွင် #မြန်မာအား #လက်နက်ရောင်းချမှု ပိတ်ပင်ရန် ဟု မီဒီယာအချို့က ဖော်ပြနေသည်မှာ မှားယွင်းပါသည်။

…  
အတည်ပြုလိုက်သော ဆုံးဖြတ်ချက်မှာ #မြန်မာသို့လက်နက်စီးဝင်မှုကို #အဖွဲ့ဝင်နိုင်ငံအားလုံးက #ဝိုင်းဝန်းကာကွယ်ရန် #တောင်းဆိုပါသည် ဟူ၍သာဖြစ်သည်။ မဖြစ်မနေဟုလည်း မပါဝင်သလို အဓိပ္ပါယ်မှာလည်း များစွာကွဲပြားပါသည်။ ( ပူးတွဲပုံ ရှု့ )


ဆွစ်ဇာလန်နှင့် သြစတြီးယားနိုင်ငံအကြား ဧရိယာ ၆၂-စတုရန်းမိုင်သာရှိ၍ လူဦးရေ ၄-သောင်းနီးပါးခန့်သာနေထိုင်သော ကုန်းတွင်းပိတ် #လင်ချင်စတိန်းနိုင်ငံငယ်က ဦးဆောင်တင်သွင်းသည့် မူလအဆိုပြုချက်မှာ အာဆီယံ ၉-နိုင်ငံ၏ တောင်းဆိုမှုဖြင့် ထိုသို့ပြောင်းလဲပေးခဲ့ရခြင်းဖြစ်သည်ကို မူရင်းနှင့်တကွ Reuters က တွေ့မြင်ခဲ့ကြောင်း သိရှိရသည်။

…  
ယခင်စီစဉ်ထားသည့် ကုလအထွေထွေညီလာခံမှာ အဆိုပြုချက်ပါ စာသားတွင် ကန့်ကွက်မှုများ ရှိနေသည့်အတွက် ထောက်ခံမှု ပိုမိုရရှိစေရန် ကျင်းပမည့်ဆဲဆဲ၌ ရက်ရွှေ့ဆိုင်းခဲ့ရသည်။

…  
မြန်မာနှင့် ပတ်သက်၍ အထွေထွေညီလာခံ၌ အဆိုပြု ၉-ချက်ကို ဘရုနိုင်း၊ လော၊ ထိုင်း၊ ကမ္ဘောဒီးယားတို့က စသည့် အာဆီယံ ၄-နိုင်ငံက မဲ မပေးပဲ နေခဲ့ကြောင်း တွေ့ရှိရပါသည်။

(((Dhaka Tribune., June 19th, 2021,” Bangladesh abstains from UNGA resolution on Myanmar.” By: Humayun Kabir Bhuiyan ကို #HtayOung, #OungMarine ဆီလျော်အောင် ကောက်နှုတ်ဘာသာ ပြန်ဆိုသည်။)))

#မြန်မာအပေါ်ကုလအထွေထွေညီလာခံဆုံးဖြတ်ချက်နှင့်_ဒေသတွင်းနိုင်ငံများမှတ်ချက်

https://www.dhakatribune.com/bangladesh/rohingya-crisis/2021/06/19/bangladesh-abstains-from-unga-resolution-on-myanmar.
https://www.ft.com/content/f75df2e3-8923-4231-9f25-02fbbc0d0619 https://www.nytimes.com/2021/06/18/world/asia/un-myanmar-coup-condemned.html 

Leave a Reply

Your email address will not be published.