၀န်ကြီးချုပ်၏ အမိန့်အရ ဒုက္ခသည်ဘင်္ဂါလီများ ပြန့်နှံ့ချဲ့ထွင်မလာအောင် ခိုလှုံရာ စခန်းပတ်လည်၌ သံဆူးကြိုးများ ကာရံမည်ဟု ဘင်္ဂလားဒက်ရှ်ဝန်ကြီး ပြောဆို

  ဘင်္ဂလားဒက်ရှ်နိုင်ငံတွင် ဒုက္ခသည်ဘင်္ဂါလီ( မူရင်းရိုဟင်ဂျာဟုဖော်ပြ ) များ ပြန့်နှံ့ချဲ့ထွင်မလာအောင် ၎င်းခိုလှုံရာတဲအိမ်များတည်ရှိသည့် စခန်းပတ်လည်၌ သံဆူးကြိုး ကာရံရန်စီစဉ်လျှက်ရှိကြောင်း ပြည်ထဲရေးဝန်ကြီး အာဆဒူဂျာမမ်က ပြောဆိုသည်ဟု Russia Today ယနေ့ရေးသားသည်။ 

ဝန်ကြီးချုပ် ရှိတ်ဟာစီနာ၏ ညွှန်ကြားချက်အရ ယခုကဲ့သို့ စည်းရိုးကာရန် စီစဉ်ခြင်းဖြစ်ကြောင်း၊ လွန်ခဲ့သည့် ၂-နှစ်ကမူ ဝန်ကြီးချုပ်အနေဖြင့် အိမ်နီးချင်းမြန်မာနိုင်ငံတွင် စစ်ဖက်ဖြိုခွင်းမှုကြောင့် ထွက်ပြေးလာသည့် သိန်းနှင့်ချီသော ဒုက္ခသည်ဘင်္ဂါလီများအတွက် နယ်ခြားတံခါးများ ဖွင့်ထားပေးရန် အမိန့်ပေးခဲ့ဖူးသည်။ သို့သော် သံဆူးကြိုး ကာမည့် အစီအစဉ် စတင်သည့်အခါ နယ်ခြားအနီးတည်ရှိသော ဒုက္ခသည်စခန်း ၃၀ ကျော်အားလုံး ကာရံခြင်းဟုတ်-မဟုတ် ရှင်းလင်းစွာ မသိရပေ။ 

  
လွန်ခဲ့သည့်နှစ်တွင် ကုလသမဂ္ဂအချက်အလက်ရှာဖွေရေးမစ်ရှင်က မြန်မာစစ်ဖက်ထိပ်တန်းခေါင်းဆောင်များ အနေဖြင့် ရက်စက်ကြမ်းကြုတ်ရာရောက်သော ဂျီနိုဆိုက်ခြင်း၊ စစ်ရာဇဝတ်မှုကျူးလွန်ခြင်း၊ လူသားမျိုးနွယ် အပေါ် ရာဇဝတ်မှုကျူးလွန်ရာ၌ တာဝန်ရှိကြောင်း မှတ်ချက်ပြုခဲ့သည်။ 

  
မြန်မာအစိုးရက စွပ်စွဲချက်များ မှန်ကန်ခြင်းမရှိကြောင်း ပယ်ချထားသည်။ 

( စက်တင်ဘာ – ၂၇၊ ၂၀၁၉ ) ((( Russia Today., 26 Sep, 2019,” Bangladesh plans to install barbed-wire fences around Rohingya refugee camps – minister.” ကို #HtayOung, #OungMarine ဆီလျှော်အောင် ကောက်နှုတ် ဘာသာပြန်ဆိုသည်။ ))

https://www.rt.com/newsline/469689-bangladesh-fences-rohingya-camps/